還記得學校旅行嗎？那種從心而發的快樂，童年回憶，是最真摯最珍貴的。網民「夏威夷夏蕙姨」日前在 LIHKG 討論區發帖，題為「好想有返小學去秋季旅行嘅感覺」。樓主在帖子表示：「就算只係去下郊野公園 / 唔知乜_度假村 onon_9 咁都已經好令人期待（文字經過處理）。由開學後無幾耐，老師公佈地點個一刻，到前一晚拎齊零食野飲入書包等聽朝天光，個種開心真係難忘。」
樓主更模仿學校旅行回條：
「本人同意／不同意敝子女參加是次秋季旅行。
活動費用：$20
*請刪去不適用者」
樓主慨嘆：「依家去邊到去幾遠都得，但始終搵唔返以前對旅程嘅緊張、心動感覺。」
【精選消息】
【精選消息】
「明明好期待又扮冇所謂」
樓主似乎非常懷念學校旅行，其細膩的描述，網民紛紛讚好；截稿前已贏得 2,548 個正評，14 個負評。不少網民被撻著，踴躍回應，集體回憶童年校園的美好時光。如果你也曾經歷學校旅行，你一定有共鳴。有網民表示：「坐車果陣成班嘈到_街」（文字經過處理）、「中學個心情正啲 返學校集合，一齊上車去郊野公園」、「當年時興扮cool，明明好期待但又扮冇所謂，去到又玩到傻仔咁」。
口渴飲茄汁？
有網民分享口渴卻被同學整蠱：「永遠都記得小學秋季旅行，水壺啲水飲哂，又熱又口渴，差啲喊出嚟之際，當年個好朋友話佢有野比我飲但唔知我肯唔肯飲，我話除咗尿我咩都飲，結果佢喺背囊拎咗個漢堡包出嚟，話入面有啲茄汁，叫我頂住檔先」。
【精選消息】
其它網民留言，節錄如下：
- 初中仲算有新鮮咁，高中對秋季旅行呢樣野就唔多重視，去邊都好閒
- 呢個真 果時可以肆無忌憚同小妹妹玩真係好開心 果時真係人生最開心既時候
- 當年期待到前一晚著定體育服訓覺
- 重點係有得同女同學去旅行
- 想問下係咪每個細路都有一次旅行係去麥理浩夫人度假村
- 無呢枝歌仔唱啦
- 小學係期待，但一定分得好散玩 反而中學開心 d
Source：LIHKG討論區