雖然作為子女應該孝順父母，父母說東，自已不敢說西，但假如家母是地獄黑料理的始作俑者，久不久炮製「創意料理」測試肚皮的包容程度，可能各位子女都會心想，不是盲目孝順父母就是孝感動天的。最近網上有一位巴打就上載了一幅觀感超重口味的黑色漿狀食物圖片，說這是家母「因為父親前排 body check 有啲膽固醇超標」，煮來健康養生的烹飪傑作！樓主及父親看到此情此景，當然被嚇窒，父親甚至因此而勁頹，所以樓主決定求問全能的網民，對住這盤黑色漿狀食物，應該怎算好？
【精選消息】
【精選消息】
雖然樓主補充這是以烏豆、黑芝麻、眉豆、麥皮等食物製成，有網民認為理應不會太難吃，但看到這樣的賣相，真是很有地獄黑料理的感覺，甚至有網民直言：「肯食真愛嚟」、「可以用嚟鋪路」、「有啲似我今日隻腳踩過嗰堆污水泥」，留言基本上是沒有最 mean 只有更 mean！之不過也有網友認為，這個時候正是樓主展露孝心的好機會，「你老竇供書教學咁多年，係時候報恩啦」、「幫佢食晒頂一獲啦」，免得父親對着如此暗黑的料理而感到苦不堪言。
老老實實，世間上說上健康的食物，有很多都是賣相比較醜陋，因此有網民建議將以上娘親地獄黑料理「轉一轉 look」，「塞落糯米糍或者茶裸」，又或者「搵個方形嘅盒或者模，將啲水泥加熱融化，加少少黑糖，倒落模度，攤凍入冰格雪硬，之後切件倒出嚟」，或者可以刺激食慾。提提大家，食物誠可貴，切勿浪費啊！
網民有 Say：
以為係墨魚飯
我以為得漫畫先至有暗黑料理
呢啲肯食真愛嚟
你老竇供書教學咁多年，係時候報恩啦
老竇養你咁耐幫佢食晒頂一獲啦
有啲似我今日隻腳踩過嗰堆污水泥
呢兜嘢可以用嚟鋪路
首先，搵個方形嘅盒或者模，將啲水泥加熱融化，加少少黑糖，倒落模度，攤凍入冰格雪硬，之後切件倒出嚟，食得。個味道唔掂，都至少有啲造型啦
呢啲似餡多啲，塞落糯米糍或者茶裸就好睇好多
我老母同你嗰個一樣，鐘意整埋啲奇奇怪怪嘅健康食物
Source: lihkg