「上咗去，落唔番嚟」，打工仔女，你明白嗎？如果你曾是高薪厚職，想轉低薪工作，也許會有共鳴。網民 Creon 日前在香港討論區發帖，題為「45 歲，好徬徨」。曾任職經理的樓主，礙於工作太大壓力，身心均受到負面影響，遂辭職想搵較低薪而較小壓力的工作。可是，他見過幾的份工，對方都直指他曾搵四萬現在求職二萬的工作是咪玩嘢；樓主發現「上咗去，落唔番嚟」，點樣算？
曾搵四萬經理級
樓主在帖子剖白：「小弟 45 歲待業中，辭工前係經理級，月薪約 4 萬。」
小記花生咬一口，好奇「搵 4 萬咪幾好，點解唔做呀」？
【精選消息】
壓力太大撐不了
樓主解釋：「但係份工太大壓力頂唔順，精神上體力上都頂唔順，個心跳到爆個胃又拿住拿住. 好驚有一日好似我以前個老闆咁突然間出門口等升降機暈低要去通波仔. 既然樓已供滿無仔女無太多負擔, 為健康所以辭工. 打算揾份萬幾二萬人工但壓力細 DD 開心 DD 的工, 又唔想無所事事好似好無用咁.」。
搵低薪「發誓做長都唔信」
曾搵四萬的樓主於是去搵工，想搵份二萬而開心的工作，才發現問題來了！他訴苦：「見過好幾份話我揾開四萬宜家黎找萬幾二萬係咪玩嘢, 做開經理走黎做o靚係咪玩嘢, 一定做唔長, 轉頭揾到就走咁話, 我發誓會長做都唔信. 請問係咪知足常樂都要俾人婢視. 請問香港地係咪個個都要出賣生命做奴棣先啱.」
【精選消息】
網民：搵 m 記經理
人間有情！樓主的遭遇，贏得不少網民關心鼓勵，踴躍回應。有網民表示：「保重, 放鬆 d 啦!」、「試下做保安，輕輕鬆鬆萬幾蚊…唔洗用腦無煩惱」、「試下揾大快活或 m 記經理」、「係時間退下來。。。。。」、「如果經濟許可，過退休生活又如何，每天做自己鐘意既野，返工每日都好似打仗咁，現在可以慢落黎欣賞一下周圍的景物，一樂也」。
【精選消息】
其它網民留言，節錄如下：
- 跟本人地係請奴隸，你唔想做奴隸就唔好玩人喇。
- 我都經歷過呢種情況。啲老細唔係驚我出古或，就話委屈左我。挑！索性轉埋形唔做本行。出左去真係海闊天空，心情開朗左！係差在睇唔到退休啫
- 做保安 15～17k, 不過 12 碼，做 6 日；又或者做 sales: 你做到經理級，口才一定有返咁上下， 做 telesales 打 call 隨時搵到 20k 以上。。。仲有就係揸巴士 20k...
- 極是, 甲級商廈物管長期唔夠人, 一入職 $18000 起跳。。。。前提要識英文對答, 不過樓主應該問題不大。。。
- 重點係無論出 4 皮或 2 皮班老細都係想請個奴隸
- 唔系潑水 過 40 歲轉工除非專業人士 否側只會向下流
Source：香港討論區