究竟要有多少積蓄，才夠退休？網民 yyygirls 日前在香港討論區發帖，題為「兩公婆有 3 百萬 cash,不生小孩,想唔撈」。標題開宗明義，想！唔！撈！香港生活迫人，工作壓力太大，小記都好很想退休！分別年僅 50 歲及 40 歲的 3 百萬夫婦樓主想唔撈，遂向網民賜教。
樓主在帖子表示：「老公 50 歲，老婆 40 歲。沒有物業，有 3 百萬 cash，不生小孩，有美國藉。想過退休的生活了。」
兩公婆月入共 $11 萬
嘩！40 歲就想退，有冇奢侈咗啲呢？小記懶洋洋，花生咬一口。提到退休，網民反應熱烈！截稿前，帖子贏得 30,096 個點擊率、292 個回應。不少網民認為不足夠：「如果嗰 300 百萬 cash 係美金嘅話就夠退休嘅」、「3 百其實都好少」、「無物業，租緊樓？點夠退休？」、「你預自己有幾長命先？仲要冇樓，除非去泰國生活啦」、「得 300 萬, 有物業都未夠退休啦.」。
【精選消息】
樓主回應：「3 百萬港元。我都知其實好少錢。但又比上不足比下有余。咁辛苦打工唔知為乜 。我月入 7 萬，老公月入 4 萬。去美國求其做收銀 hea 住生活好似都可以。」
網民：練好槍法先啦
另有網民突破盲腸：「上天已有安排」、「是否住在自置物業？」、「練好槍法先啦」、「作文」、「退休係好...但係屋企有乜野做..」。
【精選消息】
香港生活，三公必勝？
有三百萬現金冇樓冇小孩都唔夠退休？如果做樓奴「供樓」又是折磨！香港工作壓力太大，香港人打工仔女仲有乜嘢出路？有網民指點迷津：「香港生活，三公必勝！」(公屋，公務員，公援)
公屋…
交租二千幾，十年免審查！
議員又住得，pt.25又住得！
公務員…
小六嘅學歷，薪金都過萬！
福利都算好，公屋俾間你！
公援…
每當經濟好，雙糧當花紅！
每當經濟衰，雙糧道難關！
【精選消息】
吃喝玩樂… 玩食訓！
有錢都不如用黎…
Source：香港討論區