大家拍過多少次拖呢？試過對方偷食遭到背叛嗎？日前，一位絲打在連登討論區感情台發帖，指跟男朋友由中學時已開始拍拖，彼此均是初戀對象，至今已經 7 年。可是早前樓主發現男友背叛偷食，縱然男友跪求原諒，但樓主最後還是選擇放棄。
【生活情報】
【流動】
日前，一名絲打在連登以「七年嘅感情輸咗比新鮮感」為題分享自己的故事，她表示跟男友由中學時代已經拍拖，至今已經 7 年，一起經歷中學、大學、畢業、工作，齊齊面對種種困難，本來覺得十分幸福。直至早前，樓主得知男友背叛。原來這名第三者，本身也有男朋友，最後第三者的男朋友發現並告知樓主。「呢個世界真係咩女人都有架，呢個世界嘅男人都抵受唔到誘惑，如果唔係其他人話我聽，一世都蒙在鼓裡 ，好痛。」樓主又指，其實以前在街上也碰過對方及男友，但選擇相信男友，現在回應覺得自己很蠢。
之後樓主男主跪求希望得到原諒，給予一次機會，並哭着說以後不會，只是一時貪刺激新鮮，最愛的依然是樓主，但樓主反問：「有用咩？ 愈聽愈心酸啊。」雖然樓主非常傷心，但最後還以是拒絕。「成個人崩潰咗，我嘅世界好似咩都無哂。睇住佢由一個唔成熟嘅小朋友變咗個大男人，最後都係要放棄。」
事後樓主曾怒罵第三者，對方跟樓主道歉，指「你男朋友其實好愛你 」，但樓主卻覺得：「我聽完覺得難聽過粗口啊，愛我要由你把口講出嚟？」最後樓主感嘆：「中學時候，佢係一個貪玩嘅男仔，老師叫我同佢分手，叫我小心選擇男朋友，驚我比人呃。直到依家睇到佢有返少少成就，做人有返目標理想，老師都好感動話見到我地咁。呢段時間整整 5 年多，陪咗佢面對好多野嘢，結果係咁。應該放棄，還是給對方一次機會？」
至於網民方面，不少亦感慨萬分：「幫人揍大個仔嘅感覺」、「男人無論 20 歲到 80 歲，都只會想要同一歲數嘅女……，佢返嚟求你，只係佢唔捨得，但心就一早轉咗架啦」、「好明白你感受。有時錯咗真係無得返轉頭，永遠都有條刺係到。最痛既係知道成件事經過，同對方做過咩，同對邊講過啲咩」等。另外也有人勸樓主想清楚：「早啲經歷係好事，對你對佢亦然。如覺他本性不壞，認真講不妨重新接受他。」
Source：lihkg