在社交網站，偶然都會看到有網民指有人在港鐵車廂或月台抽煙，香港漫畫家謝曬皮本來只是半信半疑，但今天終於親身目睹一名穿橙衣的中國客在車廂抽煙，但周邊竟然沒有乘客提出異議，便親自向港鐵職員舉報，沒想到職只僅口頭警告了事，便放走該名中國客，幸好碰巧遇到便衣警員，才捉這名違規男子。
今日下午近 3 時，謝曬皮在其 facebook 專頁分享了自己的親身經歷。話說當時她由大圍乘港鐵前往九龍塘，途中看一名大陸男子在車廂抽煙，並走出月台繼續吞雲吐霧。謝晒皮再看周邊的乘客，大家都沒當是一回事，便親知自通知港鐵職員。職員才施施然走向男子，表示：「先生呢度唔畀食煙。」之後男子弄熄手上香煙離開，職員亦隨即離去。
【數碼】
【生活情報】
謝曬皮覺得處理方法有問題，便跟職員說：「就咁就得架啦？」並質疑抽煙男子違反港鐵附例，但職員卻回應指自己無權捉住乘客。謝曬皮那刻意識到職員根本不想處理這事件，但她心有不甘，便找另一職員一起追趕，這時碰巧遇到便衣警察，終於將抽煙男捉住。隨後數名港鐵職員前來了解事件，再次想口頭警告，放走抽煙男了事，但謝曬皮認為：「我覺得唔可以接受，因為我嘅人身安全受到威脅，大佬我日日搭東鐵，想像當時我係同呢個人喺同一個車廂，如果佢個煙頭整到 D 咩著火，困喺個咁迫既車廂我真係會死。」最後港鐵職員終於肯記錄抽煙男的身份證，並發出警告信。
事後謝曬皮再打去港鐵投訴，但仍相當感慨：「由第一個我見到果個好驚青既港鐵職員，到第二、第三，甚至最終一個 manager 級的職員，到到我剛剛打去投訴科既先生，全部比我感覺都係覺得多一事不如少一事，同埋佢哋令我覺得我 overreacted。我唔明，點解會咁，你哋話比我聽係咪真係我 overreacted？係我即刻收聲。不過事情最令我不解既地方，係喺我見到食煙事件發生之前，竟冇任何一個人出聲！我見到果時佢係食住由車廂出嚟，咁同佢同車廂果 D 人你哋到底係發生咩事？！我覺得香港已經越黎越唔安全，即管 keep 住唔出聲，即管 keep 住姑息呢D 人，由佢哋破壞我地地方啦，大家自求多福。」
謝曬皮發帖後，隨即引來不少網民關注，留言包括：「睇下水貨大大件上車無職員出聲，咦？學生帶大提琴 oversize 喎，你＿街啦，仲有外國人士係 Ikea 買 oversize 相框唔比入，職員明＿欺善怕惡」、「唔知點解，食野又話會罰錢，坐頭等無拍八達通又要罰錢，成人用小童票都即刻罰錢，食煙反而無人理」、「到你帶個大提琴上車，佢就當你係恐怖份子帶咗個核彈咁要劏要殺」、「根本就係選擇性執法，如果係香港人一早就十幾條友圍埋去啦，港鐵職員一向只針對香港人，大陸人做乜都唔會有事」、「坐關愛座就俾人影相批鬥，車廂食煙 D 人好似響平衡時空咁睇唔到」等。