超強颱風「山竹」預計本周日（9 月 16 日）正面吹襲香港，威力有可能比「天鴿」厲害。所以，不少網民早幾天就已經準備做防風措施，其中最重要的一環就是為玻璃窗戶「痴膠紙」，希望減低「爆窗」風險。結果，有網民發現香港竟然出現了「搶膠紙潮」。當中以不會留下膠紙跡的皺紋膠紙最爲受歡迎！
分別有網民在不同的 Facebook 群組出帖，提及市面搶購膠紙的情況。有網民貼出一個裝了皺紋膠紙的環保袋，指出：「全城熱搶皺紋膠紙，排我之前有個女人買左成箱！」而其他網民亦留言和應：「識人住復式已買 2 大箱」、「我也買了四卷」；同一時間亦有網民在其它群組留言，指皺紋膠紙很多店鋪已缺貨，並將一卷十多元的膠紙抬價至 $80 一卷出售，十分離譜。幸好的是，亦有一些良心小店以 $10 一卷出售皺紋膠紙，看圖片似乎貨量亦充足。
【熱門報道】
【熱門報道】
【熱門報道】
究竟購入哪一款膠紙疑比較好？相信大家心入面都有不同的答案，其實就算不用皺紋膠紙，也有很多其他選擇，大家不用這麽恐慌搶購膠紙。而一些熱心網民就分享了自己的「痴膠紙」防風心得，務求集思廣益。不過，網民意見都係純參考，部分更有「講笑」成份，想知最理想的貼玻璃窗方法，或者看看天文台影片吧【按此】。
- 五金鋪叔叔話，啡色布那隻最好。
- 用牛皮膠紙洗唔去啲膠，用皺紋膠紙有張力，唔會有膠黏著玻璃窗，祗要打風後即除，不要俾太陽曬過就得！
- 五金鋪有隻叫保護紙，白色嘅，不留膠紙跡，16 蚊左右。
- 貼左隔熱膜好好多，唔洗咁煩次次貼，又可隔熱。
- 膠紙係預佢無碎得冇咁散，如果單位係食風位，就要一早預備防風木板。現在做唔切都要預備一塊木板，碎咗玻璃都有野遮，最緊要係檢查啲螺絲鉸，打親風都飛窗。
- 大家除左膠纸，記得買埋索帶！要嚟索住窗駁，減低比風扯開窗的危險！
Source：西環變幻時、swap-it-hk