CrazyEgg 倒閉？有網民日前到 CrazyEgg 旺角門市交還「WiFi 蛋」（無線網絡服務分享器），豈料旺角門市沒有營業，門口更被張貼疑似狙擊字條。ezone.hk 向提供「WiFi 蛋」外遊租借服務的 CrazyEgg 電郵查詢事件，對方回覆指是誤會，旺角門市租約期滿，「WiFi 蛋」取還服務遷移至櫃檯處理，公司營運一切如常。
「冇收按金，好驚之後會亂扣」
網民「籠鳥空」日前在 LIHKG 討論區發帖，題為「crazyegg 執左？ 點還丫」。樓主在帖子表示：「有冇人有同樣問題？租左 13 到 18 號，18 號落機唔記得還。今日去左旺角 168 號果度，門口貼左張咁既野。而家點算？ 唔洗我還？見到張單冇收我按金，但好驚之後會亂扣。有冇人都租左架？」
【精選消息】
網民：傻嘅先用 wifi 蛋
截稿前，帖子贏得 34 個正評，3 個負評。從正負評差距可見，網民的花生味道甚濃。有網民直指：「傻嘅先用 wifi 蛋。少人用就貴，多人用就慢重要痴到實一實先得，最白痴就係上網要睇埋粒蛋有冇電」、「陰公咯 Wifi egg 都係被淘汰」、「賺夠啫 成本咁低 但咁多傻仔租」、「cut card 保平安」。
樓主勁驚：「算啦 下次買卡 不過今次粒蛋點算丫...；好驚佢過左 5 日 扣我 1500 蚊。」
有網民心水清：「Crazyegg 個 app 揀攞機還機地點剩係可以揀機場門市 專登 update 似係未執喎」、「拎返去機場還」。
【精選消息】
CrazyEgg 官方回覆：營運如常
ezone.hk 記者向 CrazyEgg 電郵查詢事件。對方回覆指：「是外界的誤會，因本公司在 7 月時旺角門市租約早已到期，並把所有營運 / 取還服務全都遷移至香港國際機場櫃臺處理，所以本公司營運是一切如常，只是部分客人不知情而引起誤會。」
【精選消息】
其他網民留言，節錄如下：
- 深水埗都唔洗出 淘寶乜撚卡都有齊 大路既都係 3、40 蚊一張 一人一張鍾意點用就點 點行就點行。
- 出面大把選擇啦，鴨記買 sim 卡又得，淘寶又得，自由鳥 travel sim 都得，洗鬼用 wifi 強
- 想當年 SIM 卡仲未咁大眾化用過一次 係幾抵 頭批客戶仲送左我地幾日免費 估唔到都有今日
- 蛋有蛋好 咭有咭好 次次一講 旅遊上網 就梗有幾個旅遊達人着左火咁_蛋（文字經過處理）
Source：ezone.hk, LIHKG討論區