早前，八達通公司公布，推出經典動漫《我係小忌廉》（Magic Angel Creamy Mami）的兩款 3D 立體小忌廉八達通，並於 9 月 26 號上午 7 點全線 7-Eleven 開賣，情況似乎供不應求，網上更出現炒價。有見及此，八通達剛剛在其 facebook 專頁公布，會增加貨量，大家可於 10 月初在網上商店預訂。
【動漫玩具】
3D 立體小忌廉八達通大受歡迎，不少網民都留言指買不到，網上更出現炒價，由原價 HK$188 一隻，炒至 HK$240 到 HK$298 不等，令不少小忌廉迷抱怨。八達通便在 facebook 表示：「各位小忌廉 fans，你哋嘅意見我哋一一收到，並作出最新安排。我哋決定增加小忌廉 3D 八達通嘅貨量，並將於 2018 年 10 月 3 號至 10 月 10 號期間，接受大家於八達通網上商店預訂。預訂詳情將於 10 月 3 號早上 10 時喺我哋 Facebook 專頁及八達通網頁發佈，請大家密切留意，並再一次感激大家熱烈嘅支持。
消息公布後，不少網民都讚好，留言包括：「Good news ! 等啲炒家炒燶貨！」、「希望之後出既精品都可以網上買」、「希望可以買到，真係好想要」等，另外亦有人建議：「唔好再放係 7 仔賣，7-11什麼都炒價」、「其實係有心嘅，只要呢段時間内上網就買到唔好限數量，最多安排遲 d 先有得拎，可以預計咗數量先生產又唔駛浪費。」
【流動】
【流動】
Source：八達通 Octopus