私人紅色小巴出沒注意？大家沒有看錯！有網民在 FB 貼圖表示自己野生捕獲一輛私人紅色小巴，更像真的有紅 Van 的紅頂設計、如紅 Van 一樣的米色車身，以及在車頭放上「將軍澳電視城」、「永久暫停載客」站牌。當然，這並非一輛「真．紅 Van」，但也足以引起網民熱烈討論，不忘大讚「好靚。好型。好想坐吓。」
【相關報道】
【相關報道】
觀望一眾網民留言，除了大讚這輛私人紅色小巴造型夠搞笑抵死，「以為紙紮」、「諗起益力多」外，也知道當中是於元朗教育路見到，由 Suzuki Every 這輛小型 MPV 改換外觀而成，而製作者是一間名為匠人汽車貼膜 Wrap Master Hong Kong 的汽車美容店。如果各位車迷還有記憶的話，這間汽車美容店之前已製作過綠 Van 版本，一樣令不少人駐足觀看。
之不過，也有網民擔心「揸住呢部嘢一年應該都會遇到唔少麻煩」、「會唔會觸犯法例」、「應該成日都俾警察截停查車」的同時，亦有巴打直言「香港人一啲幽默感都無，淨係識話人 on X」，有可能影響私人紅色小巴只能曇花一現。有興趣想野生捕獲私人紅色小巴的朋友，不妨到元朗教育路一帶看看。
精選網民留言：
- 第一眼以為紙紮
- 再遲啲會唔會出 Q 版巴士，特別版熱狗巴士......？我諗有的話，真係幾得意......!!!
- 其實會唔會觸犯法例？
- 因誤會拒載可能被圍揼呀！
- 如果係私人用途，揸住呢部嘢一年應該都會遇到唔少麻煩，新屎坑 3 日香，如果我係車主一個月後應該已經會轉色
- 點解我會諗起益力多......
- 應該有好高收視率，不過又應該成日都俾警察截停查車。
- 香港人一啲幽默感都無，淨係識話人 on X
- 好靚。好型。好想坐吓。
- 兒童小巴
【相關報道】
【相關報道】
Parvaiz Awan @ 巴打絲打 Facebook Club