有「民間特首」之稱的劉德華，近日就在團結香港基金《讓下一代看見》的影片中做旁白，更罕有地就土地問題表態，支持在東大嶼山填海造地，興建大規模的人工島，更謂「我知道一講到填海，就肯定有很多唔同意見，但呢個世界，真係會有一個百分之百完美嘅方案咩？想香港繼續向前行，取捨係在所難免。」
此片一出當然引來一眾網民議論，更引來網民在 Facebook 群組中翻起舊賬，表示今年 8 月才支持香港海洋公園保育基地，以走飲管方式為海洋保育出一分力，轉個頭 10 月就撐在東大嶼山填海造地，破壞海洋生態，更留言直指「好 X 反高潮呀你，劉德華！！！」更引來一眾網民留言。
【相關新聞】
【相聞新聞】
有網民就直指劉德華的「民間特首」光環瞬間失去，更謂「偽人始終都係偽人，甚麼民間特首，不知所謂。」、「當佢神咁拜先好笑」。
不過，亦有網民指劉德華拍廣告都係為錢，要養成頭家同養女，留言道「又關佢事？人地搵口飯食咋，經理人公司接到有得唔做？佢都無以前咁又工啦，又要養家。睇開啲啦！」有網民更謂「藝人賣廣告又有幾奇，華仔都賣過大把廣告，你真係信佢樣樣都咁捧？」同時，也有網民撐劉德華，並留言道「有屋住嘅就會講環保保育囉，冇屋住嘅就要起屋。大家觀點唔同啫。華仔冇問題。」
此外，有網民亦認真討論香港地少人多的出路，表示「又唔搞得郊野公園，又唔填得海，新界地又唔得，咁可以點搞！」。亦有網民一針見血地表示，香港地少人多的問題是每日 150 單程證嘅新移民，並留言道「香港由頭到尾都唔缺地，缺既係住屋，多嘅係新移民，明白呢一點既話根本就唔洗再填海，同環保大纜都扯唔埋。」、「填海並不能解決問題，真正問題係 1. 每日 150 個以上嘅殖民政策；2. 政府高地價自然高樓價；3. 大量的走資托價炒賣。」並謂這些才是大家要正視的問題。
【相關新聞】
【相關新聞】
Source：PLAY HARD 玩硬