劉德華撐填海又撐海洋保育，早前已被網民鬧爆「好 X 反高潮」。昨天（10 月 10 日）特首林鄭月娥發表 2018 年施政報告，有網民在同日早上行山，於針山的石頭上驚見一句對聯：「發哥睇實南丫島 華仔填平東大嶼」！
華仔呀華仔
網民 Kwong Ho Yeung 日前在 Facebook 群組「香港行山遠足之友(吹水山谷）」發帖，在帖子表示：
「針山
#華仔呀華仔
帶返個頭盔：我係今朝行山見到」
隨帖子上載一張圖片（如下），目測在一塊石頭柱上，被人寫上兩句疑似對聯的句子：「發哥睇實南丫島 華仔填平東大嶼」。
【精選消息】
網民：「鼠輩圖鴉，嗤之以鼻」
該疑似對聯，似在嘲諷香港政治及藝人劉德華。截稿前，帖子贏得 404 個 emoji 心情，以及 81 個回應。在這水深火熱，人人在鍵盤世界都對施政報告表示憤怒的大環境下，以為獲得同聲同氣的香港人支持你就輸了。在真實世界，行山的人是不會支持你的。究其原因，有網民突破盲腸：「冇公德心」、「青山走犯」、「懦夫行為」、「正鈴羊」、「人渣行為」、「破壞公物者，何以言勇！鼠輩圖鴉，嗤之以鼻！」。
「政治落山後處理」
行山不是應該談笑風生、放開懷抱、天南地北、暢所欲言嗎？但有網民認為行山不要講政治：「大家喜愛行山，就唔好帶著政治思想去行呢！你有偉大的政治理念，就行落山後處理，唔好破壞環境呀垃圾人。」
「點解冇人親眼見」
有網民奇怪：「其實香港咁多座山頭俾人寫政治嘢，點解好似冇人親眼見過人寫字，唔知係咪趁閒日或者夜闌人靜個時候先上山寫」。
冒「港豬」罪名表態
有網民冒住被罵港豬的危險表態：「為咗政治，可以將郊野搞得幾亂？放過我地呢啲只係想享受大自然個人啦，唔該」。
曾灶財翻生？
另有網民質疑是咪「九龍皇帝曾灶財翻生」。
【精選消息】
也許寫對聯者錯不在談政治，錯就錯在用不適當的方法表達，冇公德心吧！網民一面倒狠批：
- 瘤 dup 華根本唔 care 香港人嘅文意，佢賺嘅係淫民敝
- D 肺青思覺失調，以為有人同佢講野
- 垃圾就梗係汚染環境，佢地只係做緊自己本份
- 啲字咁鬼肉酸都咁寫嘅， 破壞市容，啲人很好討厭。
- 死儍佬，污染山嶺。黃屍友，傻仔真糸多，周山行，去死啦！
- 亂拋垃圾正廢柴，山上留字正_街（文字經過處理）
- 呢啲文字，已往只會公廁厠格門後見到，依家山上到有，真永無寧日。
- 俾我見到边個_樣寫嘅，手都斬_埋去 哇～（文字經過處理）
- 呢 D 垃圾亂塗鴉，比我行山見到，我 X 到佢碌落山
- 成日話大陸人亂寫,佢未一樣PK
曹操都有朋友，即使在「行山谷」發帖，都有網民疑似撐寫對聯者：「畫花左可以補救 填左個海就救唔返」、「依碌野都係人起上山，咁算唔算破壞大自然？」。
【精選消息】
劉華都要反高潮
有「民間特首」之稱的劉德華，早前在團結香港基金《讓下一代看見》的影片中做旁白，罕有地就土地問題表態，支持在東大嶼山填海造地，興建大規模的人工島，更謂「我知道一講到填海，就肯定有很多唔同意見，但呢個世界，真係會有一個百分之百完美嘅方案咩？想香港繼續向前行，取捨係在所難免。」
片段引來網民議論翻舊賬，直指劉天王於今年 8 月才支持香港海洋公園保育基地，以走飲管方式為海洋保育出一分力，轉個頭 10 月就撐在東大嶼山填海造地，破壞海洋生態，更留言直指「好 X 反高潮呀你，劉德華！！！」
Source：香港行山遠足之友(吹水山谷）