網紅（KOL、Influencer）除了會透過 Facebook、Instagram 和 YouTube 等平台，透過發帖、發相或發片賺錢外，不少網紅亦會推出周邊產品賺錢。以微辣（Manner）藝人雞 Wing 和雲吞為例，最近就跟 Fumble 品牌合作，推出售價為 HK$250 的斜揹小袋，卻引起連登網民熱烈討論。
根據 Fumble 網站上的介紹，該斜揹小袋採用優質防水尼龍面料，具備雙袋收納、內袋設有多個插位和內袋設有鑰匙扣等特點。斜揹小袋的大小為 160mm x 180mm x 35mm，分設橙色、黑色和品牌綠色可供選購，每個色款均會附設橙色、黑色和品牌綠色的肩帶。至於斜揹小袋中央印有的「精神」二字，則是雞 Wing 和雲吞在《雲吞叫埋雞》影片系列中，經常提及的口頭禪。
【精選報道】
大多數連登網民普遍對該斜揹小袋負評，認為該斜揹小袋款式一般，售 HK$250 實在太貴，網店和網紅「食水深」。以下為一些網民對「精神」斜揹小袋的意見：
- 網民 A：依啲咁嘅袋，又唔係靚，又唔係裝得多野，肯定 HK$20 都唔使，加「精神」兩隻字就升價十幾倍，賣 $250 1 個。痴線，帶咗係咪識飛！
- 網民 B：睇唔過眼食水咁深囉！
- 網民 C：如果喺街見人揹依啲包，真係心入面笑出嚟。
- 網民 D：哇......會唔會有自信左少少？定係佢地有好多 Fans？
- 網民 E：加多個病字啦！痴＿線！
- 網民 F：繡返個「精神病」可以賣貴啲！
- 網民 G：你咪話，大把中小學雞睇佢地啲片，跟住就問老豆老母攞錢買！
- 網民 H：請問一下這是醫院送的紀念品嗎？
- 網民 I：我相信佢地自己都唔會孭出街。
- 網民 J：真係送都唔敢拎出嚟用，仲要我比錢買！
在討論區中的留言，確實難以找到較為正面的評語。之不過，任何產品當然都有其優點與缺點，定價高低，除了看產品本身的質素，還有「品牌」這個因素影響到。既然這款「精神」小袋定了這個價錢，也就代表賣家認為這個產品值這個價錢吧！或許，產品的銷量，就能反映到這款小袋的真實「價值」了。
【精選報道】
【精選報道】
【精選報道】
Source：LIHKG、Fumble、ezone.hk