打份工啫！在職場上卻遇上變態上司，點樣算？更糟的是遇上個變態港女上司？網民 siuballball 日前在香港討論區發帖，題為「因為一個變態女上司，返工返到好唔開心，應該去定留？」。樓主指返新工遇上變態女上司，力數變態女上司 4 宗罪，包括：朝令夕改、乜都要理、一人做錯全組受罰、鍵盤戰士。樓主坦承新工作人工高，福利好，惟壓力狠狠地大！沒有最糟，只有更糟。樓主自稱是個女的，換言之就是絲打遇上變態港女上司！難怪有主張「將冰山劈開」的網民，亦愛莫能助鳥。
樓主在帖子表示：「長文。一個月前開始返呢份新工，入去做之前對呢份工都有期望，見到要做嘅嘢好有挑戰性，所以好想俾心機做好佢。」
小記花生咬一口，掌聲鼓勵，專心聆聽。
「Asia 區 Director 應該有料嘅」
樓主續稱：「入職前呢個變態女上司 final interview 我，嗰陣時已經 feel 到佢個人串串地，但係嗰時天真嘅我覺得，佢能夠坐到呢一個位嘅 Asia 區 Director，應該真係有料嘅。串都無所謂，因為我真心想學嘢進步.......」。
【精選消息】
1) 朝令夕改
佢嘅心意五時花六時變: 好似做公司份 newsletter 咁，又話要 align 返之前嘅版本黎做，做完個 draft 俾佢睇之後又話我地死板唔識變通，d format 差唔多日日都改，星期一三五打直，星期二四六打橫，改到今時今日都仲未改完，完全喺度玩嘢同浪費我哋嘅時間
2) 乜都要理
Micro Management - 所有野佢都要理，亦都要你跟住佢套方法來做。唔跟就 X 到你 PK。
3) 一人錯，全組罵
一個人做錯野，成條 Team 俾人捉入房 X 1 個鐘 - 我哋條 Team 有啲比較少經驗嘅同事，可能 email 打錯咗一個字，又或者係 copy list 入面少咗一個人，就即刻叫晒全世界入房開會鬧爆
【精選消息】
4) 鍵盤戰士
成日都出 email 鬧人，就好似佢條廁所鎖匙有問題要好大力先開到門 (全公司同事都冇事，因為我哋逐個逐個同事問過)，有出 email X 我哋條 Team，話我地冇常識，廁所開唔到門都唔識搵人黎整
樓主嬲嬲：「另外仲有好多好多事不能盡錄！」
係咩驅使樓主堅持呢份工？係愛定責任呀？樓主：「呢份人工比同行偏高，AL 亦都幾多。但係又真係日日返工返到好唔開心好大壓力，所以唔知道走定唔走好。屋企唔算太有負擔，但係反而自己搬咗出嚟要比租。」
網民建議追求女上司 樓主：我係女呀
截稿前，帖子贏得 11,764 個點擊率，210 個回應。有網民指出：「人工包左」，樓主回應：「我都有咁諗過想自己好過 d」。
有網民教路：「溝佢，將冰山劈開」，豈料樓主驚爆：「我係女呀點劈呀」！
有網民安慰：「大把上司都係隱性精神病患者，但佢哋未察覺自己問題，所以仍未去求醫」；樓主回應：「我都好想走，我怕我遲早比佢搞到有精神病。佢仲要覺得係我地有問題所以先令到佢咁嬲。」
【精選消息】
其他網民留言，節錄如下：
- 鬼叫佢上到位咩 他朝到你上左位時 咪撥亂反正 以德行仁
- me too, 已走人！
- 唔係點有位比你做
- 大把女 boss 係變態的，冇料扮 4 條，公器私用
- 全 team 人用太空 email 直接同老細講
Source：香港討論區