森美又再聲演《返工》系列？今朝港鐵荃灣線、觀塘線、港島線加上將軍澳線 4 線全死，可説是前所未有。結果，一眾上班族、學生成朝都在逼地鐵、塞巴士，跟早前 5 級颱風襲港，上班族 10 號波後即刻逼返工的慘況有過而不及。早前颱風山竹襲港，森美就在早霸王官方 Facebook 上載了一條 1 分鐘的《返工》影片，以電影預告片的手法聲演香港人返工的慘況。想不到，今日網上亦流傳一條疑似森美旁白的 1 分鐘影片，不過主題就變了《塞爆列車》！
【相關報道】
【相關報道】
「巴打絲打 Facebook Club」、「香港人.遊香港 hkppltravel」等多個 Facebook 群組流傳一條由「YOKAKA 工作室」製作的影片，一把疑似是藝人森美的聲音負責把旁白。當中以誇張的手法講出大家逼地鐵的慘況，只是排隊入閘、逼上列車、等列車開門關門都已經花了一整個上午，而這個過程還要不停重覆，想起都覺得恐怖。
旁白亦呼應政府呼籲僱主要「體諒員工」的説法，指出老細見員工遲到只會「減人工」，讓全港市民反眼。最好笑是最後，畢竟上次《返工》逼車的只有上班族，但今次《塞爆列車》就連青少年以及小童都有份，所以最後講到明「本片青少年及兒童終於到你」，正正呼應《返工》最後的「本片青少年及兒童遲啲到你」。
成條片貼地到這樣，一眾網民都深有同感大給「哈哈笑」以及「傷心」emoji，並留言說：「排兩個鐘先上到車」、「又落雨、又壞車、又塞車、想死」、「法官大人我冇嘢好講..」、「你唔會明白今日返工有幾慘」、「入左站又出唔番黎先慘」、「香港愈黎愈多大片大製作上映」、「分分鐘仲有『放工番外篇』！」只希望不會有《返工 3.0》啊！
【旁白原文】
繼《返工》之後，香港市民又一鉅獻：《塞爆列車》。究竟你有幾想返工？畀你一試就知道。一次普通嘅旅程，點樣可以「攞你命」！去到車站入唔到閘，入咗閘上唔到車，上到車車唔閂門，閂咗門架車唔開，車開咗佢又停，停咗佢又唔開，開咗佢又停，停咗佢又唔開，開咗佢又埋站，埋站佢又唔開門，開門佢又唔閂，不停輪回幾世都未到！
老細一早返到，所有員工失晒蹤，大叫搞錯減人工！全港市民反眼演出，大人細路傾力擠逼。返工返學好容易？等你試下塞到懵！《塞爆列車》，10 月 16 號全城塞車。本片青少年及兒童終於到你。
【相關報道】
【相關報道】
Source:巴打絲打 Facebook Club