你是耳機音響發燒友嗎？為靚聲，你可以去到幾盡？小心走火入魔呀！網民 Eta 日前在 LIHKG 討論區發帖，題為「有冇人覺得近幾年耳筒器材價錢貴到離哂譜、d 人聽歌個執著度又係痴哂線」，樓主以千字文抒發對近年耳筒貴到離譜的感受，慨嘆耳機、耳機線、播放器的售價幾何級上升，但進步少於 10%；又指聽歌的人太執著似患精神病，扭曲晒聽歌放輕鬆的初衷，變成本末倒置地要去證明自己識聽靚聲，播歌開到大大聲、播放器 update firmware 又話要再煲機才靚聲，似已迷失，非常擔心。
音響的事，不著邊際；樓主突破盲腸，獲得網民紛紛讚好是常識。截稿前，帖子贏得 666 個正評，21 個負評。不少網民踴躍回應，一面倒支持樓主；盞鬼留言，節錄如下：
【精選消息】
1】聽到超音波、國王的新歌
求_奇（文字經過處理）所謂靚 d 既錢都 5Kup, 個個講到換完好似連超音波都聽到咁, 試完只係覺得家下 d 人未讀過本故事書有篇故事叫國王的新衣（小記推介：聽番首郭富城〈國王的新歌〉）
2】首歌好聽 原裝入耳都好聽
以前都會追器材，自從 ipod 壞了就插手機算；首歌好聽你原裝入耳都會好聽。唔駛太介意器材高低，最緊要自己開心。
3】用貴嘢聽垃圾 kpop
用貴嘢但係聽埋啲垃圾 kpop trap 咪一樣晒氣
4】你吹佢唔脹
10000 蚊條線為咗嗰少少什至無分別你都吹佢唔脹
5】出街最好用手機
根本出街最好係一部手機做埋播歌 player
6】耳筒貴一貴 用電話聽歌
最搞笑係 耳筒貴一貴 之後用電話聽歌
【精選消息】
7】劉明等睇高高手話你地
劉明等睇高高手出黎話你地班木耳聽唔出仲要質疑人
8】用 Apple 3.5mm 耳機
我都係用 Apple 3.5mm 耳機聽 那有錢
「有冇人覺得近幾年耳筒器材價錢貴到離哂譜、d 人聽歌個執著度又係痴哂線」全文：
幾年前既 SE846 同 K3003 賣到 6,7 千已經好痴線，再之後 cm 耳筒價錢幾何級上升，去到 20000 都有，甚至某 d 牌子就算唔係 cm 都賣到 40000。而播放器都係，當年賣到電話咁貴已經痴線，後尾 ak 既出現推到一部播放器成 20000 幾一部；耳筒線由 3,4000 已經好貴，到依家 5 位數一條都有，d 價錢比樓價升得更快，進步少過 10%。
自問唔係木耳，但問心你係街聽，幾千一部 wm1a 同接近 3 萬既 sp1000 除左風格外，質素真係差咁遠？一粒 ve5 真係同 40000 幾既差咁遠？d 人已經扭曲哂聽歌，明明聽歌係輕鬆去聽，依家就係為左證明自己唔係木耳、為左唔好話比自己聽浪費金錢，係街度開到大大聲，好用心去聽先聽到一 D 細既分別，唔覺得好搞笑咩?
仲有某 D 人對音樂敏感度既執著已經去到有精神病既地步要煲機都算，有 D 人甚至連播放器更新左版本都話要煲機，仲要話係好有分別，耳筒線換個插頭又要煲又要話好大分別，痴線架咩?
依家諗落真係好瘋狂，有 D 人都開始退燒，都不斷問為左咩去買咁貴既器材。當 2 萬連一部 SP1000 都買唔到既時候，如果你買電腦已經買到頂級配備，甚至二手車都買得起，就算係電子產品，好似相機咁，鏡頭同相機真係有分別。
你地可能話家用音響仲痴線，我都知。但耳筒本身只係 FOR 你出街聽。本身耳筒、播放器既大小限制已經限死左音質進一步提升，仲要係街上根本唔會好靜咁聽到音樂(即使係戴 cm)，問心用電話播歌唔會同你部 sp1000 差好遠，但價錢係幾倍，仲要唔打得電話
痴線
Source：LIHKG討論區