11 月 21 日是《天與地》首播 7 周年的日子，雖然人食人劇情曾惹起爭議、時空交錯亦導致情節錯綜複雜、更一度被禁播。惟該劇風格大膽創新，被香港網民譽為「神劇」，引起很多年輕支持者共鳴。《天與地》當中的金句及經典情節，你還記得嗎？讓小編立即跟你重溫劇中經典位和神級金句吧！
五大金句 你又記得嗎？
1. 「和諧論」
//和諧唔係一百個人講同一句說話 和諧係一百個人有一百句唔同說話之餘 而又互相尊重//
葉梓恩（佘詩曼 飾）：「今晚喺呢度，我呼籲警方、外邊嘅市民、所有傳媒，無需要恐懼我哋嘅聚集。因為喺呢度，每一個支持同追求獨立音樂嘅人，他們都代表住每一種獨立同自主嘅做人方法。呢啲並唔係唔和諧嘅表現。和諧唔係一百個人講同一句說話，和諧係一百個人有一百句唔同說話之餘，而又互相尊重。」
2. 諷刺香港現實社會
// This city is dying, you know?//
Dr. Dylan（Joe Junior 飾）：「你睇吓我哋呢個世界，睇吓我哋呢個城市係乜嘢樣？除咗錢呢個字之外，我哋已經分辨唔出是非黑白，我哋每個人都被環境訓練到，好似倒模出嚟咁。鍾意食同一樣嘅嘢、鍾意同一樣電視節目、支持同一種政治立場，信奉同一種生老病死嘅做人方法。this city is dying, you know？」
3. 諷刺立法會議員
//議員又講錯字 又有懶音 又亂講英文//
何Sir（鄭子誠 飾）：「厲害厲害！詞鋒銳利，字字鏗鏘。我上個禮拜睇立法會直播，議員又講錯字，又有懶音，又亂講英文，如果當日選咗你入去，娛樂性一定豐富得多。」
4. 做人道理
//做人唔係本來就應該係咁嘅咩//
Dr. Dylan（Joe Junior 飾）：「獨立嘅精神、抗拒建制、自由、愛、勇往直前，其實何止係 Rock & Roll，乜我哋做人唔係本來就應該係咁嘅咩？」
5. 揶諭港人
// 香港人最擅長什麼？ 就是善忘 //
劉俊雄（林保怡 飾）：「我搞咗咁多年運動， 我呢個名又算得係咩啫。香港人最擅長係咩呢 ？ 就係善忘。 個啲人除咗錢之外，咩都忘記哂架，忘記哂身邊所有野，忘記啲舊樓呀， 忘記啲碼頭呀，忘記曾經係係街上面叫過嘅口號，所以我呢個名邊會有人記住。」
三大經典情節 你還記得嗎？
1. 「我哋食咗家明呀！」
人食人是《天與地》中最破格而又極具爭議性的劇情設定。正所謂「講到咁白無意思」，《天與地》很常以畫面間接地讓觀眾明白情節。對悲劇失憶是鼓佬（林保怡 飾）的角色定位，所以他在山上吃過家明（張景淳 飾）後，便潛意識地不能食任何肉類，其中一個劇情更寫他一吃到肉碎粥就即嘔。黑仔（陳豪 飾）性格則跟他完全相反，食牛扒都只吃近乎接近生肉的一成熟。
2. 影射「李氏力場」
出現了打風的情節，有關情節曲線嘲諷「李氏力場」。
3. 平行時空結局
結局中的搖滾音樂會，三位主角與年少版的自己及家明一同夾 Band，並加插一段平衡時空的無對白 MV，讓人幻想如果家明（張景淳 飾）沒有上雪山，沒有被吃掉，他們的結局會否有改變呢？ 他們五人的 Rock and Roll 夢想會否在音樂會上實現呢？劇中指眾人在另一個時空都能有美好結局， MV 中家明與阿 Yan（佘詩曼 飾）重聚；黑仔（陳豪 飾）不再暴戾，在社區會堂教結他；鼓佬（林保怡 飾）則和老婆生了一對囝囝，美滿幸福； Ronnie（黃德斌 飾）就繼續做精算師。The City is Dying , Crying or Laughing ?