做飲食業一定要服務好？如果大家光顧過「澳洲牛奶公司」、「好難食牛肉麵」等，相信心目中都有答案。近日又似乎出現了一間同樣走霸氣路線的餐廳，餐廳老細更在餐牌中直接留了一篇拒絕麻煩「星級食家」的公告，被網民瘋傳！
【熱門報道】
【熱門報道】
有網民在 Facebook 專頁分享一張餐牌上的公告，可以見到公告由餐廳老細留給「星級食家」。用粗口叫食客不要這麽「肉酸」並指出最低消費三條野 $30（每位）。接下來，更明言「伙記仲惡_過腦細」，讓大家遇欠佳服務態度要啞忍。腦細表示餐廳收費已經好平，叫食客不要當自己是「食神」、「要扮食家請去真嘅米芝蓮」，十分霸氣。
有網民留言撐老細，表示：「又要多奶，少甜，多青，走冰，多色，走青，飛邊，少冰。果啲先正宗_家產」、「有啲香港人就係持寵生驕，由細到大都比人縱慣，以為自己大_哂」、「腦細只係寫左所有行業想講又唔敢講既野出黎」、「有要求唔緊要，但請比錢，要好服務就去高級餐廳啦」、「做過飲食業就會明」、「正呀喂求店名！大力支持呀！」、「事實永遠難聽過粗口。」、「飲星業就係需要呢種老細」；
但亦有網民直指：「淨係睇上面黑色果格我己經覺得呢間野好肉酸」、「睇到都轉頭走」、「嘩眾取寵」、「同樣嘅意義，可以用更斯文的方法表達出嚟」、「食 M 記 24 蚊餐都唔食你」、「唔係西客睇到都反感啦，真説話唔使寫出嚟嘅」、「做到咁寸？」、「唔認同佢先要將客人假設成西客」、「不檢討自己還惡食客。我呢啲唔會自我先檢討嘅西客一定唔會幫襯」大家又覺得呢？
【熱門報道】
【熱門報道】
Source：on9 仔女同盟會