是咁的，電腦店打工有規矩，難道你的公司冇規矩嗎？規矩是要遵守的，但有些規矩卻是駭人的。網民 DX Tai 日前在「巴打絲打 Facebook Club」面書群組發帖，上載幾張圖片（如下）。樓主在帖子驚爆，有某電腦店近日實施 3 大新規矩，包括：購買公司物品前必須向公司申請、上班遲到要罰錢、兼且不提供飲用水，飲嘢自己買。樓主睇唔過眼，決定發帖把事件公告天下。
「幫下唔敢出聲嘅人」
樓主在帖子表示，灣仔某電腦店日前「開始咁搞法。啱定唔啱？因為做得耐，想繼續之餘，唔想冇咗 d 同繼續幫 d 熟客，又想幫下唔敢岀聲既某 d 人。」
樓主隨帖子上載了 3 張圖片。從圖片目測，推斷該電腦店實施 3 大新員工守則：
1】購物前要先申請
樓主：「主要叫人唔可以亂用公司錢買公司野俾公司用，就算趕住用。原因係果樣野有多餘既，但老細 d 野收收埋埋，自然唔知方向邊，我另一邊舖又趕住用，咁一定要買先用先。」
從圖片目測，在一個 WhatsApp 即時短訊群組，有疑似腦細質問：「想問 298 買咩文具買咗咁多錢？」
疑似員工：「有單」
疑似腦細：「請詳細列明，thx」
疑似員工：「過膠紙 $100 封箱 $48 膠紙 $23」
2】遲到罰錢
樓主：「遲到 1 分鐘要賠幾多，雖然未發生過，但如果地鐵又死，如果俾差佬查牌咁點計先，我係咪要反轉頭岀糧？」
從圖片目測，疑似腦細表示：「每分鐘 5 元（有原因價）；無原因價（8 元 1 分鐘）；請放在我枱面（不設找續）、謝謝兩位早餐錢。」
3】不提供飲用水
截稿前，帖子贏得 37 個 emoji 心情、79 個回應、1 次分享。不少網民質疑，「不提供飲用水」是否觸犯法例。
網民：以為重點係個背景
有網民表示：「僱主須向僱員提供足夠的飲用水 (1)工作地點的負責人必須確保該工作地點有提供足夠的可供飲用的水，以供受僱在該工作地點工作的僱員飲用。(2)工作地點的負責人如沒有遵守第(1)款，即屬犯罪，一經定罪，可處第 3 級罰款。」
其他網民留言，節錄如下：
- 不如叫你腦細返夜校讀下中文先啦，又錯別字又詞不達意
- 唔提供飲用水係犯法
- 其實咪唔好做 lo 客咪從新搵 lo 都講到公司咁剋薄 仲有乜好坤？你方熟客會掛住你咩
- 如果員工存心玩野，單係冇食水同急救箱物品過期，已經可以煩下僱主
- 可以轉工 唔係因為扣錢/罰款 係因為_街老細所以走（文字經過處理）
- 間鋪消防條例過唔過到啊？又有無野過唔到海關啊？出糧 /MPF 又有無古怪啊？BTW。。你反工格黎已經係勞工處，你可以上去問下遲到扣錢但 d 錢要即日交低有無問題
- 公平少少 早返一分鐘 比返 5 蚊我
- 以為重點係個背景
【相關報道】
【相關報道】
Source：巴打絲打FacebookClub