用華為，未必是上等人；但窮一世，可能有路捉。網民「拉登仔請收皮」日前在 LIHKG 討論區發帖，題為「年紀愈大，終於明白點解有 D 人會窮一世」。從標題不難推測，樓主似乎好很慨嘆，他在帖子留言：「有 D 人思想真係好奇怪」。
小記花生咬一口：「有幾奇怪呀？」網民亦問：「樓主有冇咩例子」。
估不到樓主神回兩個驚世例子：
- 例子 1. 豆屎咁丁既人工，無學歷，話買唔起樓，但每個月放一半糧落手機 GAME 課金
- 例子 2. 話讀大學 讀完都係同中六出黎無分別，但事實佢自己無能力入
即贏得 2,000 個正評，27 個負評。
「有師兄做十幾年炒散」
有網民不屑：「小野啦！以前做炒散，識有個師兄十幾做到三十歲左右。問佢點解唔反長工，佢就話辛苦，但反炒散一星期返三日搵得幾千蚊一個月。。keep 住十幾年搵到錢就叫下_（文字經過處理），不過好彩佢無女友。唔會害人」。
「夜晚要打機同女朋友傾嘰」
樓主繼續提供例子：
- 3. 搵緊都係 D 無前途，返下午 3,4 點做到半夜既既工，問佢點解做落去，佢話夜晚要打機同女朋友傾嘰，所以日頭早上要訓教。
網民：「或者呢啲叫宿命啦 有啲人係注定做死一世平庸既 NPC 有時候見到都覺得有點可憐（真係可憐佢地）」、「可憐之人必有可恨之處」。
「讀藝術 做低技術」
- 4 讀藝術既科，但實質出黎只係成世做緊 D 低技術無前途，做十幾年都可能二皮都無，個個佢轉行，但佢就當所有叫佢轉行既人都係佢敵人
這點惹來爭議，有網民反對：「藝術就唔同講法啦」、「呢樣當樓主淨係識向錢看 但其他唔覺得佢有講錯」、「_你老母 睇到呢到真係唔認同 之前果 d 都叫_fingfing 自己唔上進，但讀藝術科俾你講到已經係原罪咁_樣，連你地都咁唸，唔怪得香港僱主永遠唔識尊重設計行業既人！更加唔怪得香港咁多年都係文化沙漠！（文字經過處理）」
「大學生唔做實習」
- 5. 大學生，講到自己畢業幾_威幾_威，考政府工幾易，但完全唔做實習，即使大公司都唔做，話實習咁少人工 出去幫人私補仲好，最後畢業（文字經過處理）
網民：「利申翻緊 PT。入面有個 FT 搵 15xxx 一個月 跟住話睇完唔知咩報告話 FG 平均月薪 13000-14000。跟住佢就話自己勁過大學生 話好滿足而家生活。我就舉左個四大例子同佢解釋。同佢講一入去做得 13000 左右，但真係肯做肯捱 慢慢算 100k 一個月都唔出奇。跟住佢就一味話讀完大學出黎都得 13000 大學生真係無用。總結：窮_目光短淺，井底之蛙。」
【相關報道】
【相關報道】
Source：LIHKG討論區