美國廚師牌雞肉腸（廚師腸）早前申請破產保護，預料廚師牌即將結業廚師腸面臨停產，大家打邊爐、BBQ 必備廚師腸的往日情懷，可能只成追憶。呢個時候，「腸農」一定想起一件重要事情：炒腸！
廚師腸即將停產，就算不是「廚師腸迷」，都可能想買番幾包廚師腸緬懷一番。於是，「廚師腸農」怎麼不會「炒心」起呢？有網民分別在「元朗區二手或全新之買賣網」與「元朗天水圍屯門之買賣區」發表相同帖子，均題為「廚師牌腸每包$200」，顧名思義，就是「炒賣」廚師腸；發帖者更在帖子表示：「各有供求，不喜匆（勿）插」。
不喜為何勿插？根本說不通，難道「腸農」你話事麼？因此，帖子迅速惹來不少網民圍插！有網民狠批：「乜 L 都有得炒」、「呢個價，我買罐即食鮑魚都得，仲食腸仔」、「呢啲咪傳說中嘅香港核心價值囉，乜都可以攞嚟炒賣」、「幫佢買嗰啲真係正傻仔啦」、「係咪窮成咁呀……腸仔都炒」。
有網民溫提：「昨天百佳 $49. 3 包」、「啱啱係太和百佳 22 蚊左右，有大量存貨」，呼籲網民不要因為一時衝動而「買貴咗」。
另有網民豪言:「就算聽日真係即刻執笠座底兩年都有得賣」，咁堅？小記不如食家入定貨，兩年後升值慢慢炒囉呵呵！（過期未呢？）
【相關報道】
【相關報道】
Source：facebook@元朗天水圍屯門之買賣區