大家樂鐵板餐冇鐵板，理由是店舖太小，你接受嗎？網民「高普個女高 Ling」日前在 LIHKG 討論區發帖，題為「(有圖)大家樂會唔會太離譜呀？嗌鐵板餐無鐵板」。樓主表示在大家樂叫了鐵板餐，然而鐵板餐冇鐵板，變了膠碟上。樓主認為大家樂違反商品說明條例，已分別向海關、消委會及大家樂投訴；更發現大家樂靜悄悄更換餐牌，改名「知名排餐」。
樓主在帖子表示，日前在康城大家樂叫鐵板餐，豈料「夠膽死鐵板都無個，就咁俾隻膠碟你上。D 肉就半暖，D 汁同菜就凍，好難食！都成 $70 一個餐，會唔會咁離譜呀?」
退錢大晒？
樓主遂向大家樂廚房投訴，對方回應：「因為間鋪太細，所以無鐵板。仲講有唔滿意就一係退錢一係換過第二樣」。
網民甲亦建議退錢：「你可以要求退款架喎傻_（文字經過處理）」，樓主：「屋企人想幾個餐 share，同埋係咪退錢就等如呢件事可以發生先？」
網民乙認為退錢不是大晒：「做咩成日叫人退錢？事實就係貨不對辨（辦），退咗錢都改變唔到。」樓主：「終於有人明我重點，下下就係搏你唔會退錢，跟住就越做越差。」
似 all day breakfast
樓主指父親打趣說：「all day breakfast 咁食個觀感就 fit 晒。」
指大家樂悄悄改餐牌名字
樓主非常不滿，「明明店內 menu 同網上圖片都至少有塊鐵板係底。」不少網民建議樓主報海關，樓主回應：「報左啦，未覆。大家樂就最衰，收到我投訴就靜靜雞改左個名當無事」！他稱已向海關、消委會及大家樂投訴。惟至今未獲回覆，更發現涉事大家樂已把「鐵板餐」悄悄下架，並更改名字叫「知味排餐」。
網民：報警！有人偷咗你塊鐵板
截稿前，帖子已贏得 3,285 個正評，27 個負評。有網民叫樓主報警：「報警啦！有人偷左你牌鐵板」，樓主認真：「其實係最主要無左塊鐵板就唔夠熱，全部野都唔好食。」
其他網民留言，節錄如下：
- 退到錢大_哂？都痴_線 你無鐵板學愉_野人掛個牌做鐵板？
- 鐵板餐冇鐵板，話間鋪細；下次牛扒餐冇牛扒，d 扒貴
- 無 jarjar 聲叫乜鐵板
- 叫 d 阿姐喺你食緊時補返 d jar jar 聲音效比你 O K？
【相關報道】
【相關報道】
Source：LIHKG討論區