HMV 曾數次傳出執笠，但最後都大步欖過。然而 HMV 年頭因爲拖數而被環球控告，早前 HMV 位於銅鑼灣、中環的兩間分店又被爆出欠租 485 萬，部份分店更以大減價出售產品，不少網民都認爲 HMV 今次真是兇多吉少。而受影響的，當然是唱片公司以及一眾獨立的創作人。近日，香港獨立音樂人馬米（MastaMic）就在個人專頁控訴，指 HMV 持續拖數根本是在呃錢！
【相關報道】
【熱門報道】
馬米在個人 Facebook 專頁放出跟 HMV 來往的 email，指出 HMV 有用 email 報告近月賣出了多少唱片，然而卻遲遲沒有就賣出的產品找數。馬米怒指：「數又唔找？問咗幾十次無人理我！繼續呃我啲血汗錢，賣完我啲嘢入自己袋！」馬米強調，獨立做音樂好辛苦，所以要求 HMV 即時停賣他給 HMV 販賣的任何產品。
不少網民都建議馬米走法律途徑追數：「小額錢債啦」、「小額錢債最容易， 自己畀證據就可以」、「入小額錢債開左 file 先」、「告上小額錢債」亦有網民推斷：「佢（HMV）應該就執了」、「唔講都唔知冇找數，我係現場諗其他碟有幾多係冇找數」、「佢都真係差唔多收皮」、「專門欺負獨立音樂人」、「強烈譴責拖數行為」如果大家想支持 MastaMic，也可直接向他購入作品呢。
【熱門報道】
【熱門報道】
Source：MastaMic