阿嬌（鍾欣潼）跟賴弘國定於下周四（12 月 20 日）在香港擺酒結婚，如果大家有 follow 開阿嬌或者阿 Sa、容祖兒等姊妹們的 IG，都應該知道不少阿嬌婚前的種種準備工作。今日（14 日），阿 Gil 的經理人霍汶希（Mani）在自己的 Instagram 出帖，相中可見一個印有阿嬌及丈夫賴弘國卡通樣的東西，那究竟是甚麼來？Mani 就話這個原來是「紅色炸彈」（囍帖），又寫上「祝嬌嬌同 Michael 甜甜蜜蜜幸福美滿」。重點是，原來這張囍帖，是一個充電器，阿嬌以「尿袋」作請柬，可說相當實用。
不過，未知是否 Mani 都有看過不少「尿袋」爆炸的新聞，她在 IG 帖中加上 #希望佢唔會爆炸 的 hashtag。Fans 們又點睇呢？有人就話「sweet 到爆炸」，有人就派定心丸話「好得意嘅充電器！本來就咁睇仲以為係個電話殼！應該唔會爆炸掛！」
【其他報道】
【其他報道】
Source：霍汶希 IG