香港有與別不同的飲食文化，就是常識吧，所以不少外傭到港工作，都需要花點時間適應港式飲食文化，才不至於有特別的菜式出現。當然，凡事總有例外的，因為最近有媽媽級網友出 post 指示外傭「等啲香蕉熟先畀阿女食」，但沒多久後，這位媽媽級網友竟在廚房發現「白灼香蕉」！明顯見到樓主、外傭對「香蕉熟」這個字詞，存在不同定義。
【相關新聞】
【相關新聞】
雖然「白灼香蕉」在一般香港人而言是難於理解，甚至有人會認為是暗黑料理，但在不少網民眼中，反而力撐外傭「真識食」，「呢啲叫煲香蕉水，夜晚飲左可以安眠，有鎮靜作用，心情會開心啲」、「我剛剛問左菲姐，佢地家鄉係咁煮，係咁煮幫小朋友清腸氣。」、「香蕉糖水正，有營養，果然識食」，甚至有網民認為外傭沒錯，「咪即刻熟左囉，唔洗你等仲想點」。
不過在這個 post 中，也有網民想認真探求何解樓主、外傭對「香蕉熟」這個字詞，會有不同定義，該網民更提到「視乎你點用英文講，如果你話 wait until the banana is ripe，佢無理由會煮佢」。其實無論樓主怎樣示意也好，如今「白灼香蕉」已成鐵一般的事實，說不定當中甜甜的，其實頗滋味。
精選網民留言：
- 咪即刻熟左囉，唔洗你等仲想點
- 呢啲叫煲香蕉水，夜晚飲左可以安眠，有鎮靜作用，心情會開心啲
- 廣東話真係好難明
- 美國都有煮熟啲香蕉食㗎
- 唔講以為係榴槤
- 我剛剛問左菲姐，佢地家鄉係咁煮，係咁煮幫小朋友清腸氣。
- 香蕉糖水正，有營養，果然識食
- 視乎你點用英文講，如果你話 wait until the banana is ripe，佢無理由會煮佢
- 個姐姐識煲香蕉糖水，仲想點
- 人地鄉下興嘛，食蕉呢家嘢你識條鐵咩......
【相關新聞】
【相關新聞】
Source: Wing Li ＠ 巴打絲打 Facebook Club