如果涼茶舖有 Happy Hour（歡樂時光）會點？涼茶正氣，好多人飲；涼茶是華人文化，香港街舖亦不難尋覓傳統涼茶舖。老外酒吧有 happy hour，happy hour 飲「番鬼佬涼茶」（啤酒），一渣一渣生啤飲到天昏地暗忘卻塵世痛苦。只是蘭桂坊可以有 happy hour，食放題去 karaoke 也有 happy hour，為何正宗華人涼茶舖卻沒有 happy hour？有網民遂在討論區發帖，就著這個課題，展開創意討論。
「有冇 Lady's night？」
網民「寵寵塚」 日前在 LIHKG 討論區發帖，題為「如果涼茶舖有 Happy Hour 會點？」樓主搶先在帖子表達他最關心的：「有冇 Lady’s night？」
「先生使唔使要山渣餅？」
截稿前，帖子贏得 1220 個正評，僅 5 個負評。似乎不少網民勁撐涼茶舖搞 happy hour，紛紛踴躍留言。有網民 cool 爆曰：「呢 round 廿四味 我嘅！」，附上一個聖誕帽黑超 fing 頭震震 icon，贏得全帖最高的 2249 個正評，僅 6 個負評。
有網民搭訕：「先生使唔使要山渣餅？」cool 爆網民回應：「整兩粒茶葉蛋得喇！」
另有網民嗌「寫嘢」：「雞骨草 on rock，要多個五花 bomb。」
廿四味要掛加應子？
網民丙想要話梅掛杯邊：「廿四味要話梅掛杯邊」，遭網民丁反對：「ON_9 緊係掛加應子啦（文字經過處理）」！
「幫我俾杯銀菊露嗰邊個靚仔」
出嚟玩要夠主動，有網民疑似落 pub 主動出擊：「幫我俾杯銀菊露嗰邊個靚仔」。
估不到涼茶舖 happy hour 搞到大家咁 high！欲罷不能，其他網民留言，節錄如下：
- 老闆娘 比 SET 24 味我地 要膠樽裝果種；另外比幾支竹蔗水比呢幾個哥哥仔 陣間仲要揸車呀
- 五花茶插住枝香檳出
- 大！yes! 你快啲飲咗杯廿四味佢
- 一人一杯五加皮、雙蒸、豆漿、廿四味涼茶、維他奶溝埋；再打隻龜蛋落去攪勻，再加多滴墨汁
happy hour 與 peak hour
Happy Hour 即歡樂時光，一般而言會在深宵或下午茶時段，其概念是相對於 Peak Hour，目的為了分散人流，因此 Happy Hour 收費通常有優惠，以吸引客人避開繁忙時段光顧。未知正氣涼茶店舖，可會聆聽網民訴求，考慮提供 happy hour 優惠時段呢？
【相關報道】
【精選消息】
Source：LIHKG討論區