廣東話多達 9 個聲調，普通話只有 4 個聲調，因此有指外國人學習廣東話比學習普通話困難。那麼大陸人學習廣東話又是怎麼一回事？大陸人唱廣東話歌，唔識讀廣東話點樣算？唔驚，原來現在中國的 karaoke 唱廣東話歌，畫面附有非常諧趣的廣東話音讀教學。大陸人照住這些音讀讀出來的廣東話，真係…非筆墨能夠形容！
網民「程詠樂」日前在高登討論區發帖，題為「有圖，而家大陸卡拉 ok 有廣東話音讀教學」；隨帖子上載兩張圖片（如下），圖片揭示了大陸人學習唱廣東話歌的情況。
目測兩張隨帖子上載的圖片，均是 karaoke 畫面，有幾句廣東話歌歌詞，重點是在廣東話歌詞旁，附有音讀教學。這些音讀就是叫大陸人用普通話讀出來，讀出來的音聲稱就是廣東話的音。以下列舉兩個「廣東話歌詞與音讀教學」的例子，大家可以先看下面的標題，自己猜猜究竟廣東話是甚麼，然後自行比對：
1】被氣宗牙西內
廣東話：「你始終也是你」
大陸人音讀教學：「被氣宗牙西內」
即用普通話讀出「被氣宗牙西內」，聽起來就是廣東話「你始終也是你」。大家點睇？
2】目銀得層層層倉倉偶桑
廣東話：「無言的親親親侵襲我心」
大陸人音讀教學：「目銀得層層層倉倉偶桑」
你學到嘢嗎？
有網民留言：「學到嘢」，卻附上一個非常驚嚇的 emoji 表情。另有網民回應：「講嘢唔正」、「厲害了我的蟈」、「唔怪得大陸人唱廣東歌發音咁唔正」、「其實香港人唱國語歌都唔正」；有網民突破盲腸：「好向左走向右走耐啦」。
樓主回應：「上海細 K 場有 D 有，但係大型連鎖無，好樂迪，銀樂迪，台北純 K 都無依 D 字幕」。
另有網民上載圖片如下，揭示龍崗保安學習英文的情況：
有網民笑曰：「諗起通勝教果 D 英文」、「啲大陸人thank you 真係講 san q 原來係咁解」、「小學英文堂我自己都係咁寫中文拼音..」。
提到大陸的 karaoke 消遣，有網民問：「又自己唱？」，樓主回應：「係，有同事介紹我上去唱，佢借左會員證比我，好平, 60 蚊 7 個鐘，都發生左好多大陸特色搞笑野，有人想知再講」。
$60 人仔玩 7 粒鐘，並附圖如下，以茲證明：
【精選消息】
【精選消息】
Source：高登討論區