曾去過日本旅行的話，應該都會認識到日本是個重視禮儀和規則較多的國家。12 月 23 日日本朝日電視台所播出的《ビートたけしのTVタックルたけし&爆笑問題 SP》電視節目中，就以「迷惑外國人觀光客 Map（麻煩外國遊客地圖）」的環節，介紹較多麻煩外國遊客的日本景點。其中正在邊飲威士忌邊行山的香港遊客，也是節目中提及到的麻煩遊客之一。
節目中兩名香港遊客，被攝製隊發現在富士山飲威士忌，攝製隊認為他們做出了「飲酒登山」的麻煩行為。當攝製隊上前詢問時，香港遊客以日語「大丈夫（沒問題）」回應。根據香港衛生署的資料，運動前飲酒可能會引起低血糖、脫水和損傷意外，運動後飲酒則可能會減慢肌肉復原。
【精選報道】
除了香港遊客外，節目中也有提及其他在富士山做出麻煩行為的遊客，包括有意將火山岩石帶走的中國遊客、帶狗上山的俄羅斯遊客、穿著西裝西褲皮鞋行山的中國遊客、裸露上半身行山的新加坡遊客、晚上睡在戶外長椅上的新加坡遊客，以及將隨行物品放滿山路和踐踏特別保護地區植物的中國遊客等。
【精選報道】
網民意見
網民 A：有咩問題？
網民 B：人哋唔比飲酒登山嘅，你覺得無乜問題，代表你都好有問題。
網民 C：我見過鬼佬孭住 BB，手持啤酒一邊飲一邊行山。講真呢樣野佢自己 OK 我唔覺有問題，唔夠裝備就上富士山仲危險。
網民 D：如果係話危險，最好禁止彈丸，要有全套裝備仲好。我上山個時見有個台妹乜都無帶，1 件運動小背心就上去。
網民 E：如果嗰度係遊客區，交通方便冇危險性，我覺得飲酒冇問題，但如果真係行山，飲酒就會危及自己安全。
網民 F：佢嘅罪名係冇去整容變鬼佬先飲酒。
網民 G：瑞士人成日登雪山都飲酒，上次見到成班白鬼喺少女峰附近一邊飲白蘭地一邊唱歌行上山，鬼仔可以 High 但東亞人就唔得？
網民 H：其實點解唔飲得唔重要，重要係人地規矩文化係咁。
網民 I：不如你搵下邊間山屋冇酒賣。
網民 J：最緊要飲完唔好留低垃圾，不過如果明文唔俾就唔好咁了。
【精選報道】
【精選報道】
Source：ezone.hk、連登