除夕元旦，你如何度過？自稱「單身狗」的網民「道白」於元旦在 LIHKG 討論區發帖，題為「[建立品牌] 是咁的 我"都" 搞左個時裝品牌」。樓主表示「單身狗」一個人於除夕夜，花了逾 2 小時在家中自創本土品牌，並發帖圖文並茂分享成果。他坦言受到一篇潮文啟發而自創本土品牌；雖然未能付諸量產，但也找來律政司司長鄭若驊的反白眼圖片，最終設計了第一個系列 tee。鄭若驊反白眼 tee 受到網民追捧猛讚，不少網民直言想買！
樓主發帖指「自己一個人係屋企就創立咗一個牌子 sleazy」，他用圖片表達 sleazy 的意思，乃「低俗、廉價」。
樓主在帖子剖白：「我自問自己係一個低俗嘅人，所以唔多識詩詞畫意。靈感就係來自於"是咁的 我搞左個時裝品牌"嘅連登 POST 有感而發。本人隨即用左一個半鍾時間創作呢個"沒有內容的"品牌!」
他坦言其自創品牌的 LOGO 商標圖案，靈感源自 "是咁的 我搞左個時裝品牌"嘅潮文。該潮文的一個絲打，令樓主「聯想到香港人特徵係有獅子山嘅精神，但係因為好多野令到我地生活嘅環境都變得低俗， 同所謂嘅獅子山精神亦變得廉價。」
「以下係這個連登偽品牌嘅意思」：
樓主解釋：「用返"是咁的 我搞左個時裝品牌"嘅潮文裡面所講，【就好比現今社會 香港人就好似工具一樣 做緊一啲對自己無目標意義嘅工作 成就緊其他人 然後一生就咁虛耗 古人一千幾年前嘅反省 估唔到 一千幾百年過去 好似仍然存在緊呢個問題】」
小記花生咬一口，得個吹字，有冇衫睇先？
樓主續稱：「咁目前就整咗第一個系列：鄭若驊女士」，他承認「本品牌真係請唔起其他 MODEL」，惟有用律政司司長鄭若驊做其品牌 model。下圖是樓主自創本土品牌 sleazy 的第一個系列「鄭若驊反白眼 tee」偽成品。
樓主並在帖子分享人生：「咁就喺呢度順便講下我遇過嘅挫折啦。由於我依家係一個單身狗，所以今日好得閒做 D ON 居野。諗到自己已經踏入 20 尾嘅男人交叉路 只能說中年人 你太老鳥。自己用左兩粒幾鍾設計加上整 IG 及打呢篇文。但我望住個發表制都掙扎左好耐，覺得值得比巴絲睇睇我 D ON 居野。件衫設計上都有啲特點，而且呢兩個小時黎都發生左好多故事，如果有興趣再問啦」。
他謙虛：「價錢不合理，質料非常垃圾，不過希望都大家支持下呢個香港首個零設計的本土自創品牌品牌啦」。
最後，「單身狗」樓主：「祝單身巴絲 2019 happy new year」！
截稿前，帖子已贏得 2,185 個正評，43 個負評。不少網民踴躍留言，紛紛讚好！有網民直言：「x 呢件我反而想買（文字經過處理）」、「件衫好正 logo 有深意 圖案盞鬼」、「logo 放係後頸好過放心口 支持」、「結果呢件就大賣，果件就拍烏蠅」、「睇完呢個 post, 覺得天分真係一樣好殘忍嘅嘢。一個玩膠 post 兩粒鐘 design 出嚟嘅衫都好睇過人哋認真諗住做 brand 嗰啲..」、「香港終於有自己嘅 supreme」。
【精選消息】
【精選消息】
Source：LIHKG討論區