導盲犬可以搭巴士嗎？有視障大叔需要導盲犬陪同上巴士被車長拒絕，應該怎樣處理？有網民日前在社交網站 Facebook 群組發帖，上載圖片為證，力指有視障大叔帶導盲犬上巴士遭車長阻止，更延誤了其他乘客的時間，最終警方介入，大叔哭崩；樓主發帖予網民公開討論評理。
批車長耽誤其他乘客
網民「盧藹雯」日前在 Facebook 群組「香港突發事故報料區」發帖。樓主在帖子表示：「9:45AM 富泰村巴士站 依個巴士司機停低左係度話唔比帶導盲犬上巴士...人地有哂證件盛～仲要打返上巴士台問阻住其他乘客時間！」截稿前，帖子已贏得 2,030 個 emoji 心情、998 個回應、109 次分享。
視障大叔出示文件撐導盲犬
一名聲稱可以代傳媒聯絡視障大叔的網民（爆料網民）在帖子爆料，聲稱視障大叔表示，巴士車長首先阻攔視障大叔上車，視障大叔遂出示所有文件，以證明他是視障人士，以及小犬乃導盲犬。惟「司機驗屍咁睇完晒所有文件，都唔俾上車，當然過程中係有好多難聽嘅說話俾陳叔叔（視障大叔）聽嘅！」
擾攘 25 分鐘兼報警
該爆料網民續稱，巴士車長刁難一輪之後話報返上台，巴士車長更報警，警察到場「叫個司機咪玩比陳叔叔上車，同正常開車，整個過程係用左超過 25 分鐘以上先比陳叔叔上車同開到車嘅！」
爆料網民引述視障大叔表示：「希望大家認真關注厘件事，佢話雖然佢係視障嘅傷殘人士，但係佢唔明白自己冇做錯任何野，佢都唔想自己係盲嘅，點解搭次巴士都要赤裸裸咁俾人歧視，比司機檢查完所有嘅嘢包括文件後都唔俾佢上車，仲要報警，呢個到底係乜嘢玩法?」
視障大叔哭崩了
該名爆料網民驚爆：「佢（視障大叔）屈住唔開心到喊咗好耐！」
終可上車 卻險 PK？
爆料網民意猶未盡，單方面追加資料，表示在警方查證確認視障大叔與導盲犬可以上巴士之後：「個司機唔憤氣專登係個視障人士未行到坐（座）位坐好等就故意睬大腳油同西架車，當時人同狗都仆一仆差不多 Pk，個司機工作態度其實係好有問題 陳叔叔都話既然件事有人公開左，佢都想九巴有個交代比佢，佢一路諗住自己係弱勢社群所以唔夠膽出聲。」
巴士車 cam 有證據？
他相信該巴士有車 cam：「就算九巴唔公開條片俾我哋睇，我地明白！但佢哋自己內部睇左都實會知道個司機有幾唔啱，我會覺得如果九巴唔交代，陳叔叔係可以去平機會投訴九巴殘疾歧視！」
網民：九巴要交代道歉
不少網民力撐視障大叔及導盲小犬，對九巴車長紛紛俾嬲。有網民表示：「果個叔叔原本開開心心出去同朋友活動變成九巴司機搞到叔叔唔開心出去活動」、有網民狠批：「巴士司機肯定係新移民無知識」、「好多巴士佬都係聖人，法官，恶魔集一身，佢就係法律，唔俾就唔俾，吹佢唔漲架！」、「九巴一定要企出來交代道歉」。
導盲犬上巴士是常識？
不過，有網民質疑導盲犬上巴士是否常識：「好想知如果冇呢單嘢，有幾多人會知導肓犬可以上巴士呢?人雲（云）亦雲（云），一有人出聲就聲大大係度執雞，法例咁多法官律師都未必識曬啦」。
「社交媒體發達真可怕」
網民甲質疑視障大叔不用扶住上車是「冇盲」，甚至是為愛犬購買相關裝備「扮導盲犬」。遭網民乙丙丁連環回應：「呢個伯伯帶住隻導盲犬好耐喇，日日都見佢坐 K51」、「我都見過佢上 K51 司機都好合作無阻撓過。」另有網民不值網絡公審：「社交媒體發達真可怕。個司機做錯野唔專業，就被幾千甚至幾萬人網絡公審。」
九巴回應
九巴發言人表示，今日（1 月 3 日）早上，九巴一輛 67M 線巴士駛至富泰邨站時，一名乘客帶同犬隻上車時，車長向該名乘客查證有關導盲犬的證明文件。九巴歡迎導盲犬陪同視障人士乘搭巴士，並為車長提供指引及訓練，以協助視障人士使用巴士服務。
【相關報道】
【相關報道】
Source：香港突發事故報料區, hket