新蒲崗婆婆出沒注意。新蒲崗婆婆，原來是奸的？你有冇見過，一名手推紙皮車仔的婆婆，常在新蒲崗譽港灣附近出沒，問人拿錢？據了解這個婆婆原來是奸的。Facebook 專頁「樂文文具公司」（樂文）日前發帖，長篇幅力數該名新蒲崗手推紙皮車仔婆婆 7 宗罪。樂文樓主驚爆，這名手推紙皮車仔行乞婆婆，名叫朱婆，原來有樓收租、有仔女養、擁多個物業、更有犯罪紀錄！？
樂文樓主在帖子表示：「我寧做壞人 / 賤人 ，都唔想大家比人騙。我幫完後，再見她呃人 ，我心中不安數天，所以係專頁出 Post，希望客人們不要中計！」
樓主續稱：「各位 新蒲崗朋友仔 / 客人們 ，容許我在這地方，發表一下個人見解 / 感受。我個人能力有限，幫不了大家太多！」
樂文分享一次親身經歷：「我有試過比 $50，銀包得一張 $50 同一張 $100，結果企左一陣，原來有好多人比錢佢，佢時薪應該高過我。」
新蒲崗手推紙皮車仔婆婆 7 宗罪
樂文樓主在帖子分享自己親身經歷，並引述多個網民的資料消息，歸納出該名新蒲崗手推紙皮車仔婆婆 7 宗罪：
01】推紙皮車仔 騙善心
婆婆經常在新蒲崗出沒 ，推著一車紙皮 ，你們比錢佢。哥哥 姐姐 ，可唔可以比 $20 買麵包？日夜都在新蒲崗，工廠區主要，因為無人知佢底細。有人會比，因為是善心，丫婆好慘。有人買野食比丫婆，丫婆會收入個箱度 ，然後掉左去 ！希望大家唔好再比 ，佢時薪高過你同我 ！
02】有樓收租
根據網民 AT 提供，相中呢個女人叫朱婆，佢有錢過你地所有人，新蒲崗大廈個單位收租，住新蒲崗廣場，仲有一個物業喺新蒲崗收租，每日都用人嘅好心理呃錢，所以你哋唔好再相信佢啦！
03】有仔女養
根據十多年街坊說的消息，新蒲崗手推紙皮車仔婆婆住新蒲崗廣場，有樓收租，有仔女養。
04】有蕉唔要 只要錢
根據 ML 網友消息，新蒲崗手推紙皮車仔朱婆，住新蒲崗廣場第一座，每日在譽港灣至大有街一帶溜漣，每日扮可憐慘樣不斷問人攞錢，網友 ML 親眼目睹在大有街有一間餐廳下午會有一個飯盒和飲品供應給她。
網友 ML 在譽港灣外面見到有個男人俾錢她，網友 ML 即時阻止，已經太遲，個男人已經俾了 $20 給她，個阿婆用粗囗喪鬧咗網友 ML 決成分鐘，肚餓慘樣即時唔見咗。
有一晚在大有街，她問個男人攞錢買嘢食，個男人當時有一梳香蕉，咁就俾隻蕉佢，個阿婆話要錢。
05】區外有多個物業
網友 w 提供，她住新蒲崗廣場第 _ 座 xx 樓（文字經過處理） ， 區外還有多個物業。
06】多項犯罪紀錄
喺黃大仙警署佢個 File 厚得好緊要，有打人記（紀）錄、 偷嘢記錄 & 滋擾記（紀）錄。
07】轉戰尖沙咀 繼續呃人
有重大更新 有證有據 請廣傳。不只在新薄崗揾食 尖沙咀都見過此婆婆。
樂文樓主在帖子直指：「只（自）從開 post 後，很多人都有此遭遇，發現新蒲崗譽。港灣 有另一名男人 叫 $29 先生，請各位小心！好火丫。點解要呃人善心。」
截稿前，帖子贏得 1,110 個 emoji 心情、388 個回應 1,180 次分享。不少網民留言分享有相同遭遇，都係俾帖子提及的新蒲崗手推紙皮車仔朱婆欺騙感情與金錢。網民留言，節錄如下：
「是每個日夜，我見到不少比 $20 善良的人，他們只一個普通打工仔，可能自己食午餐是咪叫凍飲都要諗過」
「我上次推住個女行過…佢都走埋塞正我條路泥問我攞錢，我諗住老人家，我話買野比佢食問佢想食乜又唔彩我，咁當比 20 蚊佢買野食啦…點知佢睇到我銀包有 d 錢就話廿蚊咁少邊夠買野食…我就走咗去無再理佢… 但我事後仲係到內疚咁對老人家好似好衰咁… 而加清楚曬喇」
「佢叫朱婆，以前住新蒲崗大廈，之後搬左去新蒲崗廣場，新蒲崗大廈就收租嘅！邊個篤爆佢，佢會追住黎鬧！」
「我比過兩次錢佢，後來發現佢只係利用人地既善心，佢每次只會問你拎廿蚊，佢話想買個飽食，我話同你去蛋撻王買啦，佢就話唔洗。後來我日日都見到佢，日日都問人拎錢，有日我企係街做野，見到佢來來回回問人拎錢，一個鐘眼見最少拎到 $200，可想而知，佢推車執紙皮係假，真相係每日問人拎錢，雖則行善不應想太多，但無奈係，我真心覺得佢係利用人地善心去呃錢，各新蒲崗街坊，見到佢唔好比錢啦，但都唔好罵佢，講句無佢就會行開的！」
【相關報道】
【相關報道】
Source：樂文文具公司