是咁的，網民日前在討論區發帖，表示自己是設計師，礙於工作需要，弄至手腕酸痛受傷。他遊走全港，始終搵不到舒適的鍵盤。該名設計師終於按捺不住，引爆動機，決定自行設計開發一款符合人體工學的藍牙機械鍵盤、左右分體式、無線連接操作、命名 Designer Keyboard。香港人設計的 Designer Keyboard 現正在 Kickstarter 眾簿進行中【眾籌網站】。香港人，你支持嗎？
一切由手痛開始
該名本地設計師 Vex Chow 表示借好朋友「都是垃圾」的 account 在 LIHKG 討論區發帖，題為「[Kickstarter] 香港人設計既藍牙人體工學機械鍵盤」。他剖白自己作為設計師，每天使用鍵盤及滑鼠工作逾 10 小時，弄至每天下班「人又攰，手又痛」。他直指：「可惜市面上的人體工學鍵盤唔係大舊就係樣衰，仲冇藍牙，滿足唔到我要求。於是激發我去研究一對美觀、高效，易攜帶既鍵盤。」
自學 coding 焊錫
由於找不到合用的鍵盤，決定自己設計一個。Vex Chow 上網參考別人的鍵盤設計圖、配合 3D 打印、自學 coding、電路板、焊錫等；每天下班及周六日都在埋頭研製，終於創製了一款聲稱符合人體工學設計的藍牙機械鍵盤，取名 Designer Keyboard。
小巧便攜
Designer Keyboard 採用藍牙無線連接電腦操作，加上左右分體式設計，操作自由度極高；搭配好按的 Cherry MX 機械軸鍵盤按鍵、熱插拔機械按鍵可獨立更換；更有個手托可外接 3D mouse 或 trackpad；可連接電腦、筆電、平板機及手機等；重量 205g 小巧便攜，最適合天天都想返工打風都要返工的香港人。
截稿前，帖子贏得 1,599 個正評，46 個負評。最多網民關心的是：「有冇支 X 背景？（文字經過處理）」，設計師誠懇表示：「100% 冇」，贏得全帖最高的 245 個正評。另有網民忠言逆耳，提出幾項改善建議，包括：售價略嫌太貴、命名 Designer Keyboard 不夠特別、似乎只是面向 Designer 市場不夠大眾化、以及鍵盤按鍵不足夠。
眾籌告急
然而，Designer Keyboard 在 Kickstarter 的眾籌反應一般。至今僅 6 人支持，籌得 US$1,811，距離目標款項 US$31,868 有天涯海角般遙遠。尚餘 29 天，需要你的支持，否則可望爛尾。原價 HK$3,671 起，Super Early Bird 超級早鳥價 HK$2,575 起（7 折），網購【按此】
Designer Keyboard 設計解構
Vex Chow 闡述了 Designer Keyboard 的設計：我分三部份黎做設計，分別係鍵盤、拇指位及手托。
It is absolutely beautiful!
呢個係史上最靚、最舒適、最好用既藍牙人體工學機械鍵盤。首先，佢係分離式嘅設計，你可以自由擺放，令手腕手臂成一直線，減少勞損。
然後佢人體工學設計建基於手掌。直排、不同高度、有弧度既鍵盤佈局，就返你每一隻手指。50% 鍵盤，只有 48 鍵，即使手細既朋友都岩用。仲有傾斜 20 度同埋手托，令雙手放鬆地擺放。配合出色既 cherry 機械軸，手感一流。我建議用紅軸，因為細力都禁到，適合長時間使用。我自己用慣左真係返唔到轉頭。
右手總係好忙
然後我就要思考點樣可以做嘢快啲。我發現畫圖嘅時候，右手仲係好忙。點解呢? 因為你右手打完鍵盤，要時間轉去滑鼠去控制 zoom or pan，再移動 mouse or select。
就係咁曬咗好多時間。
受到 3D mouse 既啓發，佢果種雙手工作模式，左手 3D mouse 控制 navigating，右手 mouse 輸入 command。（我推介 trackpad 做 mouse）雙手同時工作，3dconnexion 既研究話可以加快 5% 效率。
一隻手揸兩個
咁雙手工作模式咁正，我就要諗鍵盤點樣配合 3D mouse 同 Trackpad。經過我不斷既設計，我發現只要加個座，令 3D mouse 同 Trackpad 傾斜向你隻手。咁就可以稍為郁一郁手指就控制到，唔洗隻手轉來轉去鍵盤同 mouse。我叫呢個座做 Pro Stand。
另外編程就唔少得，每粒可以自己設定。而且最多 8 層 Layers，可以設定更多制。Open Source Code，大家都可以自由修改,令到個鍵盤更加適合你自己。問左 Wez Furlong，寫呢堆 Code 既人，可以用係 Kickstarter。
特別嘅拇指設計,令你可以一隻拇指禁不到 2-4 粒制，方便打出唔同嘅組合鍵。唔好浪費左露活既手指公。咁特別嘅鍵盤就當然要配合返特別嘅手指擺位，正如我所講類似既 Dactyl, Dactyl Manuform，一般用家兩三個禮拜就會習慣。當然我知道大家都有唔同嘅工作方式，所以我好鼓勵大家去搵出最適合自己嘅工具，令到自己做得更爽快!
最緊要夠彈
最後，彈性係好緊要嘅。Designer Keyboard 配備藍牙 5.0 技術，去到邊，不同裝置都用到。不論屋企、公司、CAFE 都得，Window、Mac、Iphone、Ipad 又得。咁一個 Keyboard 等於 2-3 個普通 Keyboard。
一開始，好多野我都唔識，但我冇放棄，邊做邊學，最後終於完成啦。
【精選消息】
【精選消息】
Source：kickstarter, LIHKG討論區