中文輸入法可其多，除最傳統的倉頡、速成外，還有廣東話拼音、國語拼音等，不過數到最特別的，應該是只用 number pad 輸入的九方輸入法了，有網民更在 Facebook 群組中號召九方輸入法的用家，並分享用九方的苦與樂，更指用九方輸入法少一點「霸氣」都唔得！
【相關新聞】
【相關新聞】
使用九方的人會被戲稱為「九方狗」，原因是輸入法程式既要收費又要安裝，所以一換電腦就等於唔識打字，再加上要用數字鍵盤輸入，所以無咗又係唔識打，而身邊嘅朋友更不會問你某個中文字點打，所以你話係咪少啲霸氣都唔得先！
網民此話一出，即引來一眾九方用戶留言謂「單手打到中文字係九方先做到，依家打慣咗連位置都記得，基本唔駛諗即刻打到！」、「九方用得熟，打字快過速成」、「九方好好用」、「以前公司打字打到啪啪聲」。
之不過，有人讚亦有人彈，最主要的便是要收費，兼且要另外安裝。更有網民想九方內置於 Microsoft Windows 作業系統之中，原因是不用付費之餘，更可避免有時在其他程式上無法使用。唔知你又係唔係「九方狗」呢？
【相關新聞】
【相關新聞】
Source：舊飯 @ Facebook、PLAY HARD 玩硬 @ Facebook