是咁的，港女不滿港媽。Facebook 專頁「生仔要考牌系列」日前發帖，上載了一篇疑似港女網友投稿，港女千字文表達對港媽的不滿，包括「前四後六」、「遲到早退」、以及外出不懂教導及照顧孩子，從而對公眾造成諸多不便等，葡萄味極濃！在港女的千字文世界，對港媽的不滿大致可歸納為 7 宗罪：
1】前四後六 頂替工作
港女不滿港媽不懂感恩，抱怨港媽「前四後六」時，同事們幫忙怒頂幾多工作，「一個 department 如不幸中咗媽媽降，多幾條女三年抱兩，我哋其他人就被時代選中，即時成為『社會棟樑合作社』會員，每次有 10 個星期時間為社會服務」。
2】夾錢送禮 換一匙薑醋
港女疑似「人哋生完我哋仲有幸夾錢送萬寧禮卷，換佢一湯匙薑醋，幾咁欣慰啊」！！！
3】遲到早退
港女似乎對港媽相當熟悉，直斥港媽「前四後六」都未夠，後續的行為才是無間惡夢：「因為好快就有學校 interview，乜 x 家長日，乜 x 活動日，生日，考試陪溫書，帶仔睇醫生，全部日子要射波遲到早退，唔肯出差，公司啲嘢咪又係我哋呢啲無同理心嘅人頂 x 晒！！！呢啲時候唔見你有同理心比我哋？我都想早放工做自己嘢。」港女反白眼：「我。哋。無。同。理。心？？？」
4】外出唔識照顧 BB
「我想問，你個 B 到底幾多歲，乜你未生之前唔知香港路窄，地鐵多人嘅咩？你生前無諗過點帶 B 出街，自己點處理嘅咩？你第一日嚟香港啊？」
5】放任 BB 擾亂公眾秩序
港女似曾遭受 BB 打擾，如數家珍：「麻煩你哋做好自己，推 BB 車出街唔好周圍撞人腳，入到地鐵就摺起架車，去餐廳睇住個細路唔好周圍跑，病就比佢帶口罩，唔好係地鐵巴士玩到郁身郁勢同跳上櫈，教佢要識排隊同唔好周街掉垃圾」。
6】嘈住隔離鄰舍
你試過被鄰居 BB 的哭聲煩到抓狂未？港女：「唔好係屋企大跳玩波，嘈住隔離隣舍，可能會無咁多人對你哋黑面」。港女又記起港媽「前四後六」要代為 OT 之苦，蝕底味濃：「更何況你湊你個 B 天公地道，你教得好佢都係生養死葬你，難道佢會感恩佢老母生仔時其他 OT 嘅人？」
7】湊仔有免死金牌
港女都有屋企人，疑似冇孩子：「我都有屋企人，唔生仔唔係老溤要開 OT，我都要推輪椅陪我阿爸去睇醫生，亦唔見有幾多人幫手，咪又係我一個頂晒，我唔知點解湊仔好似有免死金牌咁，個個都要就佢！！！」似乎最慘係港女！
脷伸，港女在文首帶了頭盔。港女表示：「我認識唔少盡心盡力，希望教導得子女有禮得體嘅家長，唔會下下一句『小朋友係咁』作開場白，如果你係呢類，麻煩唔好回覆，你應該用時間去生多幾件」。
截稿前，帖子贏得 283 個 emoji 心情、126 個回應、12 次分享。
不少網民支持樓主：
- 全中!!!
- 想俾100個LIKE
- 認同。。。。陪細佬乜陪細佬乜嘅經典：以前嘅補習學生係澳洲讀書，個媽媽飛去陪佢。果時，佢廿四歲。而朋友係媽媽嘅同事，話佢飛咗之後留低一大舊蘇州屎係度。。。。
- 仲有唔好迫人抱你個 B, 利申: 我真心討厭小朋友
- 我無. 我唔識你你唔識我. 你既仔女你理佢你既事. 唔關我事.
也有網民不敢苟同：
- 生咗先講啦
- 為 hate 而 hate
- 你咁蝕底唔去生翻 357 個真笨，仲出嚟講咁多？
- 我推 bb 車都無人幫過、請勿一竹竿打一船人，完
生仔要考牌系列之港女不滿港媽 7 宗罪 原文
見到一班怪獸家長堅持推 BB 車上扶手電梯係無問題，問題在於無人讓佢，其他人無同理心。我真係反白眼，我。哋。無。同。理。心？？？
.
首先，帶頭盔先，我認識唔少盡心盡力，希望教導得子女有禮得體嘅家長，唔會下下一句「小朋友係咁」作開場白，如果你係呢類，麻煩唔好回覆，你應該用時間去生多幾件。
.
我係想話個啲，話人無同理心嘅_頭（文字經過處理），我睇過唔少媽媽谷，真係極。極。極。極。少見到有人，會話感恩自己前四後六時，有同事幫你哋頂咗幾多工作，一個 department 如不幸中咗媽媽降，多幾條女三年抱兩，我哋其他人就被時代選中，即時成為「社會棟樑合作社」會員，每次有10個星期時間為社會服務，人哋生完我哋仲有幸夾錢送萬寧禮卷，換佢一湯匙薑醋，幾咁欣慰啊！！！
.
不過，惡夢只係一個開始，因為好快就有學校interview，乜x家長日，乜x活動日，生日，考試陪溫書，帶仔睇醫生，全部日子要射波遲到早退，唔肯出差，公司啲嘢咪又係我哋呢啲無同理心嘅人頂x晒！！！呢啲時候唔見你有同理心比我哋？我都想早放工做自己嘢。
.
最後，我想問，你個B到底幾多歲，乜你未生之前唔知香港路窄，地鐵多人少𨋢嘅咩？你生前無諗過點帶B出街，自己點處理嘅咩？你第一日嚟香港啊？
.
所以，麻煩你哋做好自己，推BB車出街唔好周圍撞人腳，入到地鐵就摺起架車，去餐廳睇住個細路唔好周圍跑，病就比佢帶口罩，唔好係地鐵巴士玩到郁身郁勢同跳上櫈，教佢要識排隊同唔好周街掉垃圾，唔好係屋企大跳玩波，嘈住隔離隣舍，可能會無咁多人對你哋黑面，更何況你湊你個B天公地道，你教得好佢都係生養死葬你，難道佢會感恩佢老母生仔時其他OT嘅人？
.
我都有屋企人，唔生仔唔係老溤要開OT，我都要推輪椅陪我阿爸去睇醫生，亦唔見有幾多人幫手，咪又係我一個頂晒，我唔知點解湊仔好似有免死金牌咁，個個都要就佢！！！
【精選消息】
【精選消息】
Source：生仔要考牌系列