是咁的，香港人到餐廳食肆用膳經常投訴遇到態度惡劣的服務員，不少飲食從業員則指香港人最難服侍。因此當有店員為一個說話不清又坐輪椅的婆婆客人而折腰提供服務，難免贏得網民爆讚，恍如驚世大發現。日前有網民在社交網站發帖，分享親歷太安樓林記車仔麵店員彎腰服務一個說話及行動都有困難的客人婆婆。
網民 Angus Yip 日前在「巴打絲打 Facebook Club」面書群組發帖，分享一次親身經歷。樓主在太安樓林記車仔麵店目測一個店員，彎腰服務一個說話不清兼坐輪椅的婆；隨帖子附有圖片一張（如下），有圖有真相。
樓主在帖子表示：「今日經過太安樓掃街，見到一個坐輪椅的老人家要點車仔麵，老人家行動同說話都有困難」。
小記花生咬一口，心諳不妙，香港人服務態度口碑一般，婆婆行動及說話皆不便，金翅大鑊了。
豈料，樓主目測有彩蛋：「但係店員無嫌棄，特登走出嚟彎低身慢慢聽老人家要食咩，特別拎枝筆一樣一樣餸慢慢寫係碗上，因為老人家講野真係非常不清晰，所以店員寫錯了一樣，老人家更正佢，佢都笑容滿面同老人家講，哎呀，我真係大懵聽錯」。
小記跌掉花生，哎呀我真係大懵估錯……
樓主續稱：「（太安樓林記車仔麵店員）一點都無怪責老人家。而且好有耐性慢慢再聽再覆單，熱心幫助人，而且不傷害人自尊，謝謝這店員讓我今天感覺到香港仲可以好溫暖 感謝你」。
小記十幾年前曾光顧太安樓林記車仔麵店，服務態度冇好到咁誇張㗎喎。唔得，今晚再去實測！
截稿前，帖子已贏得 8,482 個 emoji 爆讚、284 個回應，235 次分享。
- 佢哋 D 服務態度 ok 架，但係 D 食物質素就一般，有一次我個朋友買外賣返屋企食，食到最後，竟然有支煙頭喺個湯底裡面。
- 人嘅核心價值應該由愛出發，贊
- 林記紮根 太安樓超過二十年，而家第二代接班，人情味睇黎濃左，祝佢地越做越好
【精選消息】
【精選消息】
Source：Angus Yip巴打絲打 Facebook Club