在人人都用手機聽歌的年代，如果還有人用 Discman，你會否覺得詫異？在 Facebook「Tai Po 大埔」群組，便有網民表示飲茶時，因用 Discman 聽歌，而被陌生人拍照，並對此感到頗為不滿。想到相片之後或會被放上網，便索性先自拍發帖，隨即引來熱議。
【數碼】
發帖的網民表示，早前買了一部二手 Discman，碰巧要落街飲茶，但又沒帶袋，便隨意將 Discman 放入褲袋。他表示：「一到步已發現隔嚟檯有人用電話對著我，我立即問，先生，乜事，佢話 sorry sorry，因為太耐冇見過，忍受唔住想影留念。我 feel 到他會放上大埔谷公審，現在我就早他一步，自己放上來，不樣他得戚。」他又在帖文質疑：「真不明白！香港人是否咁喜歡偷影？」
其他網民看到樓主的遭遇，都紛紛留言回應，有人認為其實對方不一定是要「公審」樓主，可能只是想懷舊。至於其他留言包括：「不如放埋陳百祥隻碟落去，咁咪唔駛浪費隻碟，有需要嗰時仲可以開到大一大嚇走人」、「明白樓主心態，但有好多人 discman、cassette Walkman、MD真喺未見過」、「聽慣壓縮音樂嘅人係唔會明，撐樓主」等。
【數碼】
【數碼】
Source：Tai Po 大埔