是咁的，昨天早上 2 月 19 日香港多處地方傾盆大雨，市民趕返工淋到全身濕，假如有好心陌路人突然拿出雨傘善意遮你，你有啲咩要注意？有巴打好心想遮陌路人，卻連番被拒。巴打嬲嬲遂到網上討論區發帖呻怨：「學會接受難道比學會付出更難？」
「好似當我變態」
網民「何不食肉糜」日前在 LIHKG 討論區發帖，題為「［香港人］都係想遮埋你唔想你淋雨啫」，分享日前上班下大雨，好心遮陌路人卻兩次遭拒的經歷。樓主在帖子表示：「今朝搭巴士去火車站轉車，雨有 d 大，見到有個女人冇遮，咪上去遮埋佢 lo，點知俾佢拒絕，我話兩部路啫唔使介意，佢照拒絕，好似當我變態咁，咁算啦我就照行。」
小記花生咬一口，以為樓主洩氣你就輸了！樓主屢敗屢戰，居然再接再厲，好戲在後頭！
「當我痴線，心灰意冷」
女的食檸檬，男的又如何？
樓主續稱：「跟著前面又有個同車男人，佢都冇帶遮，我又問多次，佢一樣拒絕我兩次，眼神見到佢當我痴線咁，我都有 d 心灰意冷。」
「接受難道比付出更難？」
樓主反思：「自問好心一個想幫忙，有 d 費解點解俾人當唔正常？香港地好心人愈黎愈小，有心主動幫 ge 人更少，學會接受難道比學會付出更難？」
樓主戴頭盔：「唔好話咩樓主係咪嬲冇人肯俾幫，純粹係十年前 ge 香港一定唔係咁:(」。
樓主慨嘆：「香港人愈黎愈細膽，見到自己人俾人蝦，冇人幫；見到有人要扶，冇人去。幾時出手幫忙要有勇氣？大家爭 d 氣！」
網民：洗唔洗咁 defensive
截稿前，帖子贏得 6,010 個正評，124 負評。網民踴躍回應，多姿多采。不少網民勁撐：「支持樓主」！
有網民分享相同遭遇：「我都試過同樣情況，大家等緊紅綠燈，我見落緊雨諗住遮埋佢。點知寧願淋雨都唔洗遮！嗰刻我都係諗，做人其實洗唔洗咁 defensive？」
有網民坦言：「三唔識七，難免會覺得尷尬，唔關男定女事」。
選擇接受的自由都冇？
想幫人卻遭拒，對方一定要接受，否則被認為是 defensive，對方連選擇接受的自由都冇，又是否和諧呢？
「照下鏡就知點解」
有網民惡搞：「照下鏡就知點解 d 人避開你，冇鏡就用地下 d 水照照！」，遭樓主直斥不雅：「留言唔好咁低質好冇，想散下正能量啫，自問樣高高過金鐘巴打，而且熱心幫人。個社會多 d 人關心其他人有咩唔好？」，贏得 2,506 個正評，68 個負評。
網民分享不同經歷
有同樣好心的網民，分享不同經歷：「試過遮埋人, 冇你呢個情況。而且啲人都唔該前唔該後, 幾有禮貌，都有試過人地主動遮埋我」。
【精選消息】
【精選消息】
Source：LIHKG討論區