繼麥當勞、KFC 等連鎖快餐店宣布「走塑」後，最近連鎖咖啡店 Pacific Coffee 亦公布 9 項「走塑」新政策，包括：停派飲管、即棄餐具、減少列印收據、自攜杯 HK$3 折扣優惠、設有咖啡杯蓋回收、免費帶走咖啡渣、使用木製攪拌棒代替現有塑膠攪拌棒、以甘蔗飲管取代塑膠飲管，以及以分解塑料製作熱飲紙杯連杯蓋。當中有部分措施已在 Pacific Coffee 分店推行，其餘方案都會於今年內正式實施。不少網民看過 Pacific Coffee 9 項「走塑」新政策後，都覺得品牌想好替代方案才設立「走塑」新政策是值得一讚，更有網民直言：「肯用甘蔗飲管已支持。」
【相關報道】
【相關報道】
有網民提到，雖然 Pacific Coffee 及麥當勞都是中資企業旗下品牌（Pacific Coffee 已在 2010 年成為華潤旗下之咖啡連鎖業務），但講到推動「走塑」政策，絕對是 Pacific Coffee 技高一籌，「呢間嘢啲 marketing 好勁」、「至少有替代品，老麥果啲根本唔 X 理你點飲由得你死你事」、「呢啲先係真係環保，要誘因同替代品先得」、「做環保一定要俾多啲成本落去，cut budget 永遠唔會環保到」。
至於說到一系列 Pacific Coffee「走塑」政策，一眾網民認同「以甘蔗飲管取代塑膠飲管」一項是最值得嘉許，「以甘蔗飲管取代傳統飲管，全世界都應該做呢樣，如果真係有心推環保」、「撐甘蔗飲管！啲紙飲管次次飲到一半都淋哂......」，甚至有網民坦言：「真係唔介意佢用貴啲嘅成本轉嫁畀消費者，至少有得揀先」，而非一刀地讓顧客失去任何選擇。
精選網民留言：
- 至少有替代品，老麥果啲根本唔 X 理你點飲由得你死你事
- 呢啲先合理架嘛，替代方案都要有先得㗎嘛，雖然 M 記要怕啲廢老偷，但收埋晒全部飲管，搞到全部人
- 真係唔介意佢用貴啲嘅成本轉嫁畀消費者，至少有得揀先，你要完全唔由係你嘅事。
- 以甘蔗飲管取代傳統飲管，全世界都應該做呢樣，如果真係有心推環保
- 真環保值得鼓勵
- 平衡到服務質素同環保
- 呢間嘢啲 marketing 好勁
- 呢啲先係真係環保，要誘因同替代品先得，啲環保 X 唔係反對你哋，但做嘅方法太唔得，以為每個人好似佢哋咁，而且有幾多個環保 X 係讀 science，見到咩或者人哋講咩就信
- 撐甘蔗飲管！啲紙飲管次次飲到一半都淋晒......
- 做環保一定要畀多啲成本落去，cut budget 永遠唔會環保到
【相關報道】
【相關報道】
Source: lihkg