是咁的，腦場大平賣 $3 一支雪碧，今日再到貨！最愛賣雜貨的深水埗腦場「深水埗電子特賣城」（25 日）晚上在 Facebook 專頁發帖，表示：「多謝曬～多謝曬～ 歡樂時光過得特別快～ 聽日下晝再到貨～～～」；隨帖子上載一張圖片，目測有幾支疑似 500ML 支裝雪碧，標價 $3 一支；另寫著「賣 X 哂！！明天請早」，非常招積。
有網店更便宜？
截稿前，帖子贏得 156 個 emoji、57 個回應、2 次分享。網民反應不似預期熱烈。有網民突破盲腸：「$3 支吾算特別平」，即遭腦場忠粉圍剿：「當水飲平過人買水，你仲想點」、「飛雪最平都要 5 蚊支……」、「人地都要開飯，唔通叫人蝕埋俾你先叫平咩」、「送俾你好唔好？」
深水埗電子特賣城保持冷靜：「甜野又唔好飲太多，一星期一次好了」，有網民揶揄：「一次十支好了」、「我雖然都唔着飲咁多，但都來了支持下買兩支」。
有網民驚爆：「網上有間叫『士多』嘅商店，經常都有將啲到期貨大平賣」、「3 蚊係平但真係未到要搶個 lv.......」。
「開個水吧比人坐低飲下野」
另有網民直指：「十幾度賣汽水，廿幾三十度就賣發熱背心。而家唔係你估佢唔到，而係城城都估自己唔到呀！」，深水埗電子特賣城表示：「天氣不似預期」。
有網民警告：「賣到咁平 一陣加爆你租就 gg」，有忠粉衝出來撐：「咪搬囉！好似深之都上面大把吉舖」。
有網民建議：「幾時開個水吧比人坐低飲下野。」
有網民預測：「連雪碧都賣 , 安全套 飛機杯 指日可待」。
【精選消息】
【精選消息】
Source：深水埗電子特賣城