是咁的，買 iPhone 懷疑是翻新機受騙，當然要追討；倘若最終發現是誤會一場 X 咗，有啲咩要注意？有巴打到連鎖店開心購買新 iPhone，以為是翻新機受騙。巴打遂到網上討論區發帖求救。網民「福爾摩師奶」上身，齊心協力，踴躍偵查，最終成功解開謎團破案，原來只是一場誤會。為何巴打以為受騙？網民又是如何破案？即 check！
網民「程尋磨較叉燒包」日前在 LIHKG 討論區發帖，題為「我個 FD 係 XXX（文字經過處理）買佐部iPhoneXR 翻新機，宜家點算？」。樓主在帖子上載幾張圖片（如下），並表示：「有無師兄可以指點下迷津」。
疑團一：新機預載好多 bookmarks？
有網民問巴打何以知道是翻新機，樓主回應：「發現裡面好多記錄，好多嘢唔係佢嘅」。
有網民建議：「我買翻新機都唔會咁 wo，打去 XXX 問啦（文字經過處理）」、「咁有單有日期番去投訴囉」、「XXX （文字經過處理）呢 d 不嬲古惑 舊機當新機賣」、「去 apple 打 IMEI check 下保養咪知，唔係咪去嘈 XXX 囉（文字經過處理）」，樓主表示：「佢 check 過，佢話翻新機一樣都係有一年保養」。
網民質疑樓主：「點解今時今日仲有人貪平唔去 apple store?」樓主突破盲腸：「女仔係咁架啦，算到盡」，這似乎是一宗「男兵」幫「女神」買 iPhone 個案。
網民問：「會唔會係佢自己睇錯嘢呀」？樓主回應：「佢肯定唔會，張單啱啱過咗一日嘅換貨時間」。
有心水清網民突破盲腸：「你個 fd icloud 有野又 sync 左去新機？」，樓主回應：「裡面的瀏覽記錄唔屬於佢，有成幾頁咁多」。
疑團二：新開 iPhone 即 lag 機？
樓主再接再厲，表示：「部機呢一堆資料都唔係佢嘅，仲有頭一日下載遊戲都已經 lag 機。」即遭網民破解：「點樣 Lag 機，咩情況下會 Lag，你就咁講開始用就 Lag，會唔會你一路回復緊 iCloud 既野又打機啊？」、「同步完同更新完, 後台多野 RUN 會慢/用電快係正常事」。
有網民表示：「你 cap setting => 你個名 => icloud 睇下」。
看了圖片後，有網民用小丑 icon 疑似恥笑曰：「你個 icloud 幫你 sync 左 safari 啲 bookmark 落黎」。
樓主疑似滴汗問：「咁即係話佢果部唔係翻新機，係佢搞錯？但佢話部機啱開始用就 lag 機既？？」，並補充：「唔係 wo 師兄，佢又話無睇過呢 d 網站 wo，點同步到啊」。
已經有網民表示：「我估係樓主同佢朋友出錯既機會比較大」、「留名待笑」。
之後，不少網民繼續留言，以恥笑為主，惟樓主疑似潛水。終於樓主也現身，並回應：「誤會一場，個 fd _ 9我，絕對新機黎，大家可以放心購買 XXX（文字經過處理）」。之後發生的事，以及如雨後春筍的恥笑 emojis，唉，不要再說了。
其它網民留言，節錄如下：
- 聽過原機攞俾蘋果維修時 會俾翻新機個客用住先
- 講咁多做乜，拎個序號上網 check 咪知；樓主：「check 過啦，上面有回覆過， 翻新同全新一樣有一年保養，check 唔到 d 乜」，即遭網民炮轟：「你知唔知自己答緊乜呀」。
- 樓上班人買過 iphone 未 去 apple 網站 check 下個 serial number 幾時俾人 activate 咪得囉。樓主：「師兄，詳細點操作阿，可唔可以講多 d，我真係無用過蘋果機」。
【精選消息】
【精選消息】
Source：LIHKG討論區