是咁的，香港人有難，更驚動了警方，你會仗義留下幫忙錄口供嗎？有巴打在巴士上目睹不公平事件，遂挺身而出與一名女乘客發生口角，有其他男乘客加入幫忙，團結巴打們與女乘客理論，女乘客報了警。其他男乘客並未因怕麻煩而離開，反而留下來等候警察並陪同巴打錄取口供。巴打大為感動，事後在網上討論區發帖分享了這宗「巴士大戰」實錄，豪言：「邊個話香港人冇愛？」
白衫巴打疑與女乘客發生肢體碰撞
網民「揉奶樂」日前在 LIHKG 討論區發帖，題為「【香港】啱啱巴士2F好_團結抗廢佬（標題經過處理）」。樓主在帖子表示，於晚上接近 7 時乘搭 2F 巴士，最擠擁的時候：「有條廢姥（女乘客）畀位白衫嘅巴打掂到下，即刻發晒爛炸，jer 住人話人特登撞佢」。
嘩！性騷擾喎？小記花生咬一口，專心聆聽。
綠衫巴打幫口理論
樓主續稱：「白衫巴打同條女（女友）自然話唔係有心，條廢姥就係都要屈人死屈爛屈！有位綠衫巴打都做證人話白衫讓晒位」，樓主以為該名女乘客就此了事，豈料女乘客並未罷休，向綠衫巴打稱：「你要幫佢咁冇計啦，但事實就係佢特登批㬹！你冇畀佢批到咋！」
樓主介入 爆發大戰
樓主表示終於按捺不住動了口，叫該名女乘客搭的士，期間「一輪廢 up 少不了有粗口」，之後二人對話如下：
姥 = 女乘客
主 = 樓主
姥：法例唔畀人講粗口鬧人，你唔好再講粗口！
主：邊條法例啊，我都想知喎
姥：(口窒)我嗰條法例就唔畀嘅！
主：你嗰條？你有邊_條嘢啊？（文字經過處理）
姥：你講咩啊，講咩我條嘢啊！
主：問你條法例啊。
姥：我報警嘅話差人拉你啊。
(佢塞住晒門口堆人畀人_（文字經過處理）)
主：行入啲啦_你你老母阻住人。（文字經過處理）
姥：你_我老母？我報警！（文字經過處理）
女乘客報警
由於女乘客報了警，巴士必須停下來等候警方，不能前行。樓主：「於是全車人_晒鬼，每個人落車之前都鬧佢一鑊，少佢報乜_嘢警（文字經過處理）」。
三大巴打 齊等警察
樓主續稱：「最感動嘅係，綠衫巴打同白衫巴打加佢女朋友，冇因為報咗警而驚麻煩落車，而係留低陪我一齊錄口供」。
女乘客受打擊
據了解，警方錄取口供後，示意樓主可以離開。
姥：(大受打擊)吓！佢_完我老母可以就咁走！（文字經過處理）
警：係啊，得架啦你走啦。
「係啱嘅嘢，咪做咯。」
樓主強調：「邊個話香港人冇愛？我淨係見到我哋好_團結（文字經過處理），有人被屈，我哋就幫手，幫手嘅人有麻煩，二話不說留底幫返自己人。」他套用綠衫巴打嘅說話作結：「係啱嘅嘢，咪做咯。」
截稿前，帖子贏得 3,857 個正評，11 個負評。樓主在文末聲明，叫白衫巴打「千期唔好 up 片，我會失業」，疑似有片可以流出，難免有巴打立即回應：「Lm wait Video」。不少網民稱讚樓主：「樓主 good job」、「2F 真係好_多廢老，btw 巴打你哋做得好（文字經過處理）」、「推！記得勇敢啲企出來！唔好畀廢姥打橫來」。
有網民好奇：「走前做咩唔_多次佢老母???（文字經過處理）」，樓主笑曰：「有！佢 look 大對眼繼續同 pc 投訴」。
公交爆粗可判監
不過，有網民引用《道路交通（公共服務車輛）規例》，表示在公共交通工具上講粗口屬刑事，可被罰款及判監。
根據《道路交通（公共服務車輛）規例》，凡在公共巴士、小巴或的士，乘客若在車上使用不良或冒犯語言或作出不守規矩行為，一經定罪，最高可被罰款 3000 元及監禁半年。
該法例亦有規管這些交通工具的乘客，若故意妨礙或阻撓司機或分散其注意力、吐痰、故意損毁或弄污車輛，亦可被罰 3000 元及監禁半年。
另外，根據《香港鐵路附例》，若乘客在鐵路範圍內「爆粗」，鬧事或行為不檢等，亦可被罰款 5000 元。
【精選消息】
【精選消息】
Source：LIHKG討論區