厲害了！阿媽被騙徒利用購買點數卡損失數千元，巴打上網求救，有啲咩要注意？有巴打聲稱其母遭騙買點數卡損失數千元，母親卻因怕事件張揚而不願報警，巴打遂到網上討論區求助，問如何能夠阻止騙徒使用點數。
網民「風景看盡至甘心」日前在 LIHKG 討論區發帖，題為「阿媽俾人呃錢買左點數咭 有咩可以做到」。樓主表示：「見到佢好唔開心我又唔知可以做啲咩」。
小記放低花生，報警了沒有？
媽媽不願報警
樓主表示沒有報警，理由是媽媽怕瘀。他解釋：「佢覺得咁大個人俾人呃好瘀。頭先陪左佢報警，點知佢又驚警方會聯絡佢上司，令佢上司覺得佢咁大個人都仲俾人呃，結果冇報到」。
樓主也有遭騙財經歷。他剖白：「我自己過兩日要測驗，完全冷靜唔到。頭先大家都好激動，佢覺得我唔明佢感受。其實我明..因為幾年前我都俾人呃過錢..仲未拎得返」。
點數卡不是 sim 卡
他慨嘆：「唉咁就俾人呃左幾千蚊。佢而家話自己好蠢又師奶心態貪小便宜。我阿媽完全唔知點數咭咩嚟。佢一開始仲以為係幫手買電話咭...」。
如何令騙徒用不到點數卡？
樓主打定輸數：「唔奢望拎得返啲錢」。他問：「但除左報警，有冇辦法可以令騙徒冇辦法用到啲點數咭？唔該哂大家。最後一句，大家自己小心提防騙徒之餘，都要小心屋企人中招。佢地真係唔識，好易就瀨嘢。」
樓主早前跌銀包 全家當黑
樓主黑到爆：「唉早兩星期先跌完銀包，而家又到我阿媽俾人呃。」
隨帖子上載一張圖片，裡面有幾張短訊截圖。目測截圖，當騙徒叫樓主媽媽買 My card，樓主媽媽卻即時回應「phone card 有咩要求」，反映媽媽錯把 My card 遊戲點數卡誤以為是流動電話 sim 卡。
據了解，截圖短訊對話的兩個人，是樓主媽媽與她的女上司。但樓主稱：「係女上司 whatsapp 俾人 hack 左 嗰個人叫我阿媽買 唉」。
網民：伯母衰咸濕？
媽媽被騙買點數卡，樓主跌銀包，全家當黑。不少網民把茅頭指向樓主媽媽：「伯母衰咸濕?」、「你阿媽中左美男計？警都唔報，仲可以點，唯有返多幾日工，得閒請阿媽飲茶去街氹下佢啦」。
有網民突破盲腸：「成家都俾人呃一定有原因」。
有網民質疑：「你老母的思維十分奇怪! 知道自己上司的 WHATSAPP 比人 HACK 咗, 利用來騙人, 自己都受騙了...應該立即話比自己上司知, 以作提防及改善...為何你老母返而唔想上司知道? 你老母想有更多人受騙? 你老母想玩佢老闆?」
【精選消息】
【精選消息】
Source：LIHKG討論區