不知大家小時候上美勞課時，有否用過雪條棍自製小物？記者記得自己試過用雪條棍砌一間屋，記憶中的過程是不容易的，要家人幫忙才可製成交功課。不過近日有位巴打的手藝，相信遠比記者好得多，因為這位巴打出 post 分享他的雪條棍好奇 DIY 自作業成品時，就因為當中勁精細的立體星及骰子，而被網友激讚。
【相關報道】
【相關報道】
這位巴打的好奇雪條棍 DIY 自作業成品，除有立體星和骰子，還會用心刻字，刻過自己喜歡的日本歌手 REOL 的名字外，也刻了朋友的名字：雯，之後更提到原來要製成以上成品所用的工具是相當簡單，很易購買，包括界刀、替換刀片、間尺、夾（兩塊嘢要痴嘅時候夾住）、鉛筆及粗幼砂紙。
沒錯樓主用的工具是簡單到無朋友，幾乎是每個家庭都有的用品，不過網民大讚的是，他只用簡單工具，配合靈巧手藝，就能將自己所想的作品活靈活現。「覺得樓主好勁，立體個粒星超靚！」、「粒骰一唔啱 size 已經摘唔到，整得好準」、「睇完好想整番個畀男朋友」。
此外，也有網民認為樓主手藝真心不錯，「真男人識少少手藝幾型」、「一入嚟見到，第一個簡單啲都立體星，就知你一啲都唔簡單」，而樓主見到一眾網民的讚賞，也表示感謝支持，不過也暗指有型與否，還是樣子使然。希望樓主之後真有其他成品出現，一償網民所願。
巴打手作一覽：
網民有 Say：
- 會唔會太勁
- 幾靚，真男人識少少手藝幾型
- 覺得樓主好勁，立體個粒星超靚！
- 睇完好想整番個畀男朋友
- 以前小學都係教用雪條棍整嘢，橡筋槍、船之類
- 試下用 UHU 又快又實
- 粒骰一唔啱 size 已經摘唔到，整得好準
- 欣賞樓主咁有心機整，希望遲啲會有其他成品
- 一入嚟見到，第一個簡單啲都立體星，就知你一啲都唔簡單
- 點解唔用雕刻刀呀？小心整親手呀
【相關報道】
【相關報道】
Source: lihkg