香港不少露營場地也有牛隻生活，所以露營友必先學習與牛隻共處，才可真正享受大自然。最近有一名營友在 Facebook 上載一段影片，並以「牛無犯你！你攞支棍去想打佢，我就要出聲」為題。影片可見樓主的男朋友正與另外兩名露營大媽爭執，當時身穿螢光綠色外套的大媽手持行山長棍，站在牛隻附近。
影片中見其男友就大媽手持行山長棍走近牛隻爭執，質問大媽「咁你攞枝棍黎做咩先」，又以自己拿刀走近大媽做類比，並勸喻她講道理及「如果牛隻沒有搞你，你就唔好去搞佢啦好無。」大媽們解釋行山棍是行山用，而且說「我哋想佢哋出去啫、我哋唔會傷害佢嘅。」及後，樓主的男友續說「地方唔係你嘅，你哋趕啲牛做咩啫。」接著就聽到大媽說「呢個地方都唔係你嘅。」影片結尾樓主男友叫大媽不要騷擾牛隻，否則報警。
樓主於留言中解釋事件，指原本幾隻牛安靜地在食草，而牛的位置與大媽的營距離大約有 150 米，之後見「兩個大媽就鬼鬼祟祟行去啲牛隔離」，於是就與男友一直觀察大媽。
樓主解釋上載影片並非想公審大媽，「我將段影片放上嚟，目的並唔係話要公審佢哋我係要佢哋知道：地球唔係屬於佢哋架，草地牛牛都有權分享，亦都要佢哋知道香港仲有好多人會關愛動物權益，香港人唔係個個都咁冷血會視而不見！唔係好似佢哋咁樣，自己就罷（霸）晒人哋嘅地方自己 Enjoy，將牛趕盡！」
又指牛隻與自己的營最近，牛隻並沒有衝去騷擾，「佢有佢食草、我地有我地欣賞佢食草、去郊外係睇呢啲㗎啦，如果接受唔到和其他動物共享倒不如自己困返自己係屋企」。
【其他報道】
部分網民回應：
- 如果隻牛嚇親反擊！仲會間接害埋其他人
- 而家去郊外, 最怕遇到成大班啲阿叔大媽, 講嘢大聲又嘈又鍾意認屎認屁, 到咗呢啲年紀照計鍾意嘆冷氣講舒服, 瞓荒山野嶺留俾啲後生啦！
- 啲大媽真係要鬧㗎
- 低水平婦孺，牛先係呢個地方安寧嘅地主，點解唔好好學下共享資源，你哋記住睇實兩個大媽有無執乾淨啲地方先走，爆多一次
- 呢啲人衰到唔恨，牛又冇犯佢，做乜搞人
- 佢哋覺得個地球係佢哋
- 嗰度不嬲係牛牛地方，人類去玩去露營牛牛都冇反對，就唔好得寸進尺去搞啲牛！
【其他報道】
【其他報道】
Source：CarCar Cheung@Facebook