以 217km/h 車速疾走屯門公路，是甚麼概念？日前網上瘋傳一段疑似深夜在屯門公路超速駕駛的短片（如下），目測車錶板長期維持在 200km/h 左右，嚴重超速非常危險，但話你極速傳說又未夠資格，難怪惹來不少網民負評：「可能趕住入屯門醫院見老母最後一面」。超速駕駛，害己害人，切勿以身試法。
輪胎沒有咆哮叫聲
Facebook 專頁「千奇百趣」發帖上載這段片長 4 分 44 秒的超速駕駛短片，並在帖子表示：「屯門公路 FK8 網上分享」；留下 hastag #激進駕駛 #超級危險。整個片長都是駕駛者超速駕駛的畫面，車錶板顯示車速一度高達 217km/h，夜裡在高速公路掟彎狂飆，左閃右避周圍的車輛，畫面非常搖晃；但引擎尚算寧靜，輪胎並非帶著咆哮叫聲；從駕駛者與乘客的對話，推測車速驚動了不少快相機快門。
網民：「車 cam 都冇錢裝，要用電話拍咁 _」
這段超速駕駛片段，絕對不值得鼓勵，亦得不到網民認同。不少網民接力負評：「無炒車有乜好睇?」、「車 cam 都冇錢裝， 要用電話拍咁_（文字經過處理）」、「200 幾點解好似咁慢咁既....同埋揸機果個驚就唔好影落架」。
有網民質疑：「唔覺眼啲相機閃既」，有網民回應：「快過光速咪睇唔到閃囉」。
有網民曲線：「唔好_人啦 人地可能成家趕住入屯門醫院見老母最後一面呢 未必係有心飛車既（文字經過處理）」。
有網民認真：「垃圾，揸咁快以為自己係車手？不知所謂，交通意外就係呢啲人做出來」。
「帶住手套以為係車手？」
在 Facebook 群組「馬路的事討論區」，也有網民轉貼短片討論，都以負評為主。有網民不屑：「好慢,睇到想睡」、「我揸緊萬幾蚊既車都快過你部FK8 不如唔好浪費同我換車啦」、「沒有期待的畫面。」
有網民認真：「帶住手套揸就以為自己係車手咩？你要揸留返去機舖揸……就係你呢 D 人，個個以為自己係拓海上身咩……你要死冇人咗你，但唔該行遠 D，唔好出嚟害人」、「全部相機位都好似無收慢過，咁玩一次，物無一個牌囉」。
其他網民留言，節錄如下：
- 以我經驗冇 200, 睇燈柱走位 140 喇
- 感覺畫面唔係好快
- 影相都咁興奮 就唔應該揸咁慢 實在太 L 慢！
- 個咪錶壞就拎去整喇
- 只覺得搖搖晃晃，一啲刺激感都冇，收皮啦唔該！
- 好快囉！我覺得，快過晒D巴士，的士，貨車等等
【精選消息】
【精選消息】