在上個月，有讀者向 Facebook 專頁「西客之道」投稿，指一名港媽帶 32 歲處男兒子到診所看病，因未能出示身份證，繼而大鬧診所。想不到這名港媽，不久前又再光顧，雖然今次有帶身份證，但要求醫生開假病假紙，被醫生拒絕後，港媽竟強佔醫生房不肯離開，甚至在警察前坐下「𦧲地」，令診所員工及警察都十分無奈。
【網絡熱話】
早前攜「32 歲處男」兒子的港媽再到同一診所，港媽再到登記處時馬上發爛：「嗱！身份證呀！掛號啦 X 婆，都唔知您係咪想溝我個仔，先死都要佢張身份證。」在等候期間，港媽又不斷催促，甚至騷擾其他病人，希望可以先看病，但終不得逞。
之後輪到港媽及其子，不久後便聽到醫生房內傳出吵鬧聲。原來港媽兒子昨天生病，起不到床，現在看醫生是希望開昨天的病假紙。不過醫生拒絕，指這是犯法。港媽竟說：「您犯法關我咩事，總之我畀錢，您畀張假紙我個仔，我個仔公司無咗佢唔得架。」至於其子則跟上次一樣，所有事都懶理繼續打機。
港媽繼續吵鬧，更罵診所員工「正 X 街」，欺負他們，之後更「佔領」醫生房，強迫醫生開病假紙，其他病人見狀於是報警。警察到場後表示這些糾紛，自己其實做不了什麼，隨後港媽便坐在地上「𦧲地」。事件擾攘了近 1 小時，最終警察給了港媽醫委會的電話，叫港媽不滿的話可嘗試投訴。
至於網民方面都紛紛留言：「 醫生應該寫紙，不過係轉介精神科」、「個阿媽咁痴線，阿仔唔係咁打機法（將自己擺去第個時空），一早唔癲都跳咗樓啦」、「好想睇有第三次」、「怪獸父母。以為有錢咩都可以就晒佢。千錯萬錯都係你地錯」等。
【網絡熱話】
【網絡熱話】
Source：西客之道 Hispitality Secret