中國監控鏡頭數量之多，基本上抬頭一看已經「天眼」處處。原來「天眼」不只天上有，監控鏡頭也繼一鍵報警器及水箱後，成為中國出租屋的必備配套。據外媒報道所提，近月有杭州、福建等房東透露自己有被警方通知出租房屋內必須安裝監控鏡頭的措施，為家居防盜做好準備，如不安裝或監控鏡頭不能正常運作，都會被罰款 ¥500 人民幣（約 HK$595）。到底住客住進有監控鏡頭的房屋，感覺如何呢？答案似乎不太良好。有住客向外媒表示：「裝了監視器後，我在家也得穿的整整齊齊，夫妻說點悄悄話也怪怪的，回到家隨時被監控，簡直像在監獄一樣」。
【相關報道】
【相關報道】
部分網民看了這篇報道後，大鬧此舉令住客沒有私隱可言，「坐監都係影走廊，仲嚴過監倉」，並且直問：「同瞓街有咩分別」、「同坐監有乜 X 嘢分別」？因為當中以防盜為名，監視市民一舉一動為實。另外更有網民笑言在家中安裝監控鏡頭，根本就是占基利舊戲《真人 Show》劇情，而英國作家 George Orwell 成名著作《一九八四》都有類似的監控橋段。有看過以上電影及書本的朋友，定必深感共鳴。
之不過，當中都有網民不忘抽手，抽到長江都乾塘。留言有提如果安裝監控鏡頭是為了家居防盜的話，那麼「偉大的中蟈真係為民着想」、「解放軍同所以中央高層都要安裝，保護各位要員安全」。只是想不到的是，有部分不知是假膠定真心膠的網民認為安裝監控鏡頭「唔係壞事，起碼有個保障先」，更覺得「有監視器好過有平安鐘啦，有事時都知係咩事啊嘛」。
精選網民留言：
- 同瞓街有咩分別？
- 同坐監有乜 X 嘢分別
- 偉大的中蟈真係為民着想，怕有小偷入屋不辭勞苦
- 即係你覺得如果喺屋企除晒衫畀人透過監視器睇到都冇乜所謂？你覺得 ok 咪得囉，我自己就覺得係無私隱可言。
- 應該解放軍同所以中央高層都要安裝，保護各位要員安全
- 啲租客話：行得正企得正，怕乜？
- 監視器香咗點算？
- 都唔知有乜好驚，其實唔係壞事，起碼有個保障先
- 買屋係唔係唔使裝 cam？
【相關報道】
【相關報道】