窮忍唔知價，應該算這種。日前有巴打在網上討論區發帖訴苦，表示自己辛苦儲蓄百餘萬，以為借盡都有六百萬去買樓，到地產舖居然膽粗粗要求要兩房樓，結果落得懷疑慘遭經紀恥笑的下場，厲害了！揸住球幾就想去威，巴打，你又何必呢？
「辛苦儲到球幾」
是這樣的。網民「巨龍的自摸」日前在 LIHKG 討論區發帖，題為「好努力咁草左球幾去買樓..咩都買唔到。」樓主在帖子苦訴：「好辛苦做左幾年野，終於儲到球幾」。
小記花生咬一口，心想：「叻仔囉」！
雄心壯志 想買兩房
樓主續稱：「諗住借盡可以買到 600 萬左右嘅樓， 雄心壯志咁去到地產舖。_那星，我戇戇_ _（文字經過處理）咁問個 agent，我想搵 600 萬兩房嘅」。
嘩_！小記嚇一嚇，幾乎哽花生致命。600 萬想買兩房樓？好想知經紀的反應……
經紀得啖笑
樓主坦白：「佢望下我然後得啖笑。」
笑乜呀_你？
「呢個價只買到納米樓」
樓主自爆：「我再望一望呢個價錢原來只係買到啲納米樓。」
有幾隻黑色小烏鴉在天空飛過，傻瓜…傻瓜…
樓主霸氣盡失，疑似崩潰：「我辛辛苦苦， 死慳死抵， 揸住百幾萬走落去， 以為自己都有啲錢， 原來只係個死窮_（文字經過處理）， 揸住百幾萬都要畀個 aa 歧視」。
網民：「再儲下囉」
截稿前，帖子贏得 1,018 個正評，82 個負評。有網民衝出來留言安慰：「再儲下囉」，即遭巴打曲線回應：「三年後變左：好辛苦做左幾年野， 終於儲多一球， 諗住今次可以揸住兩球借盡可以買到 700 萬樓嘅樓，雄心壯志咁去到地產舖。_那星，我戇戇 _ _（文字經過處理）咁問個 agent， 我想搵 700 萬兩房嘅，佢望下我個兩球然後得啖笑。我再 google 一下原來買七百萬樓要差唔多三百萬首期。」
有網民建議：「嘉湖山莊」、「大西北幫到你」、「大西北啦，大把兩房五字頭」。
「香港好多有錢人 十萬一呎覺得平」
有網民突破盲腸：「拿拿聲大西北都上左車先啦！買左層樓有層樓幫你追個升幅，到時再儲錢換樓就易好多啦。等下等下，遲下就冇_哂 600 萬樓嫁啦。香港好多有錢人嫁，其實十萬蚊一呎大西北好多人都覺得好平」。
All in 曼城有彩蛋
另有網民表示：「All in 今睌曼城 1.7 收息」（編按：日前上演一場歐聯賽事，曼城對熱刺，結果曼城 0：1 敗走），有巴打哭崩：「_你比返啲錢我呀（文字經過處理）」。小記：「切勿沉迷賭博」。
【精選消息】
【精選消息】
Source：LIHKG討論區