雖然香港中文大學前校長、有「光纖之父」美譽的高錕已在去年離世，終年 84 歲，但他在光纖研究及推動以光纖傳輸為主要通訊方式的突破性成就，仍教人們感到敬佩。有巴打更在討論區出 post 提到「香港人真正要多謝，是高錕教授」，因為「冇他在中大任校長時在中大設立伺服器，香港可能要九七後至會引入互聯網，肯定冇今日的網上自由度。當香港開始有民用互聯網戶口（1993 年），大陸至剛第一次測試 email（1994 年），唔係佢喺咁關鍵時刻行呢一步，大家仲係要依賴幾個容易被控制的傳統媒介，民意唔可能脫離官方影響」。
【相關報道】
【相關報道】
有網民認同樓主所言，高錕發明光纖，以及在中大任校長時在中大設立伺服器，推進互聯網發展是「時間剛剛好」的證明，「仲可以做埋香港科技軟實力代表」。「有時真係時也命也，咁啱又係佢發明光纖，如果唔係學你話頭，可能 97 後個 server set 左去北京或者重慶，咁我哋個個都要翻牆了」、「如果佢一直都發明唔到，或者話有第二個國家嘅人早過佢發明到，咁佢都會停左個 project，成件事真係會變晒樣」，否則太早、太遲出現的話，都有問題存在，就是市民在的網上自由度必然大減。「如果早多 11 年，網絡係 1988 年已經普及，而唔係 1999 年，當年基本法未寫完（基本法在 1990 年完成），恐怕網路安全會被寫入基本法中。香港特別行政區必須訂立網絡安全法，禁止有人用互聯網來進行或宣傳危害國家安全的活動或違反香港特區法律的活動」。
此外，這個 post 也不忘讓網民回帶自己當年的上網習慣，有 1994 年開始上網的巴打表示：「好老實，當年實用價值真係唔大，只係上吓 newsgroup、上 BBS，星光個 forum 已經係最多人的 WWW forum，更冇人諗到後來發展 Asia Online、Supernet 呢啲，都只係離 1997 得兩三年甚至一兩年成立， 97 後先引入唔係冇可能的，真的話今日已經好唔同。」，另有巴打分享提到：「2000 年前以重用緊電話線撥號，有人打電話嚟就斷線」、「用 modem 去 cybercity、acer、打牌同 ICQ，實用性只係收發電郵，真正有用要等到 Google 出現之後」。
一眾網民都同意的是，互聯網的出現的確大大改變世界。像當年沒有互聯網的時候，「倪震玩劉錫明單嘢，就知媒介控制可以幾恐怖，你真係只可以握打。佢生遲二十年，可以用 FB 直接同 FAN 屎溝通，可以上網反擊，唔係《YES》話你係乜就乜」；來到現在互聯網極為普及的年代，「internet 又好似發展到過咗火，太傷眼傷健康」。
精選網民留言：
- 仲可以做埋香港科技軟實力代表
- X，有時真係時也命也，咁啱又係佢發明光纖，如果唔係學你話頭，可能 97 後個 server set 左去北京或者重慶，咁我哋個個都要翻牆了
- 如果佢一直都發明唔到，或者話有第二個國家嘅人早過佢發明到，咁佢都會停左個 project，成件事真係會變晒樣
- 倪震玩劉錫明單嘢，就知媒介控制可以幾恐怖，你真係只可以挨打。佢生遲 20 年，可以用 FB 直接同 FAN 屎溝通，可以上網反擊，唔係《YES》話你係乜就乜
- 個時間真係啱啱好，唔早唔遲。如果早多 11 年，網絡喺 1988 年已經普及，而唔係 1999 年，當年基本法未寫完（基本法在 1990 年完成），恐怕網路安全會被寫入基本法中。香港特別行政區必須訂立網絡安全法，禁止有人用互聯網來進行或宣傳危害國家安全的活動或違反香港特區法律的活動
- 2000 年前以重用緊電話線撥號，有人打電話嚟就斷線
- 未有 YouTube，未有 Google 之前，Yahoo 真係殺晒，大家當年會上咩網？？最記得上 www.qqkk.com，睇埋啲古靈精怪嘢，而家都仲係度，仲有上啲 game 網打機、睇片、小小系列嗰啲
- 用 modem 去 cybercity、acer、打牌同 ICQ，實用性只係收發電郵，真正有用要等到 Google 出現之後
- 我鐘意就 2000 年代中期，2004 至 2009 年期間，寛頻上網、LCD monitor、Windows XP、功能手機、高清電視，但就社會普遍上無智能電話和平板電腦的年代。Dial up internet 太落後又太貴，CRT 大 monitor 又貴又傷眼，win95 / win98 冇 security features 做唔到 e-commerce。現在智能電話和平板年代，internet又好似發展到過咗火，太傷眼傷健康。
- 互聯網靠了不少光纖，等於電腦靠了 IC，有月光族也不少因為有網購，我建議大學生應被強制學懂上網賺錢而唔只係打機、娛樂、買嘢或做功課。
【相關報道】
【相關報道】
Source: hkgolden