時不時會有些關於小童隨地便溺的報道，近日有一單就發生在香港迪士尼樂園。有 Facebook 專頁最近講出一件小童隨地便溺事件，指一名 10 歲的小童，在「香港個老鼠樂園」（相信是指香港迪士尼樂園）等候煙花表演期間，當眾小便，嚇得旁邊的情侶彈開，但其母竟還辯護指「細路仔係咁」！惟被旁邊大叔一句就將其反駁得「口啞啞」，贏得一眾圍觀市民「拍爛手掌」。
【相關報導】
有網民在「生仔要考牌系列」Facebook 群組內，分享自己早前到香港迪士尼樂園遊玩時遇上的趣事，由於煙花匯演不設劃位，要在好位置欣賞煙花就需提早霸位。樓主指，當日有對母子早早便霸佔了「有櫈坐」的好位置，而該名兒子長得挺高大的，樓主目測他已超 10 歲，如是者大家便一直等待煙花匯演開始。
當距離煙花匯演開始大概 15 分鐘時，原本坐在地上的情侶突然「彈起身」，並大聲地問「點解濕既？」此時，該對早早霸好位的母親便不急不躁地指：「細路仔忍唔到就要痾㗎啦，又差唔多開始，唔通我咃走開咩？」原來是其目測超過 10 歲的兒子當眾小便，而正當周圍的遊人都斥責該母子時，該名母親更從容地指「細路仔係咁」，之後用水倒在地上，意圖沖散地上的尿液，更指「宜家咪沖走晒囉！」不過，有網民指迪士尼樂園的煙花匯演已暫定多時，一來懷疑事件不是在近期發生，甚至懷疑其真實性。
眾人正感該對母子不可理喻時，一名在附近的大叔便指「細路仔本身唔係咁，係因為冇家教先係變成咁，宜家唔係沖唔沖走嘅問題，而係佢當街去廁所，仲有個覺得冇錯嘅阿媽先係問題。」語畢，該名母親已經「靜晒冇聲出」，而樓主更形容當時周邊的人「未開始放煙花已經拍爛手掌」，更斥該名母親「真係唔識教就唔好生，一代影響一代！」
此帖一出，不少網民都紛紛斥責該對母子並誇那名大叔「好波！」，「以前俾人話冇家教係好大件事，但而家好多新一代父母唔覺自己細路俾人話冇家教係件事」、「亞叔好野」、「當隻仔係狗」、「講開又講，放狗嗰啲諗住用支水沖一沖就以為乾淨哂都好有問題，其實只係將啲尿沖大個範圍，仲臭…竟然有人學嚟沖人尿，真係…」、「比水沖⋯狗仔去完厠所咩？」、「係咪痴㗎，細路仔急就要同佢去廁所㗎啦，為咗個睇唔睇都得嘅煙花迫佢周圍痾，仲要有人坐嘅位」、「細路大 X 哂咩！唔曉教真係唔好生！」、「連個媽都當自己係養狗」、「佢只係個細路 千祈唔好放過佢」、「永遠都係阿叔可以收呢啲刁婦皮」、「阿叔好野呢 d 老母成日轉移視線」、「想知個阿媽係咪當冇件事繼續欣賞佢既煙花。」
【相關報導】
【相關報導】
Source：生仔要考牌系列@Facebook